Kạhtukko 29:23 - সান্তালী বাইবেল

²³ Manwa do acʼakʼ bạḍạiteye copodokʼa, menkhan mạ̃hir monan hoṛ do manote ńama.

Kạhtukko 29:23 Referans Kwoze

Mathae 23:12

Okoe acʼteye usulokʼ, uni doe copotʼ ocokʼa ar okoe acʼteye copodokʼ uni doe usul ocokʼa.

Luk 14:11

Okoe acʼte usulokʼe menetʼkan uni doe copotʼ ocokʼa, ar okoe acʼteye copodokʼ uni doe usul ocokʼa.”

Kạhtukko 11:2

Bạḍại são sãote opoman hõ hijukʼa, menkhan mạ̃hir sãote do ạkil hijukʼa.

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”

Kạhtukko 15:33

Probhu Isor botorae do ạkilokʼ lạgitʼ sikhạuna kana, ar man ńam reakʼ hor do nindhạnokʼgea.

Kạhtukko 16:18

Bạḍại do bạṛicʼakʼe ạguiya ar phulạukʼ mon do maraokʼge.

Luk 18:14

“Ińiń metapekana, Isor do mạsul-uṭhạuicʼge bin dusi menteye ataṅkedea ar uni do oṛakʼteye ruạṛ calaoena. Menkhan uni Phạrusi doe dusikedea. Okoe acʼteye usulokʼ uni doe copotʼ ocokʼa ar okoeye copotʼ ocokʼ uni doe usul ocokʼa.”

Kạhtukko 18:12

Manwa ontor reakʼ bạḍại do jarkhare ạguiya,

Mathae 18:4

Onate jãhãege nui kạṭicʼ gidrạ leka acʼteye nindhạnokʼ unige serma rajre sanamko khone maraṅokʼa.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Dosar Biboron 8:16

Uni do hahaṅkarre Mannae jom ocoketʼpea, ona reakʼ katha aperen hapṛamko do bako baḍaekan tahẽkana. Ape biḍạu aṭkarpe ar apeakʼ bạḍại rạpudtape lạgitʼ uni do onae ematʼpe tahẽkana jemon mucạtʼ hạbicʼ apeakʼ bhạlại hoyokʼtapea.

Jobakʼ 40:12

Mitʼke mitʼ bạḍại hoṛ beṅgetʼ pheḍakome ar copotʼ ocokom; ar bedhoromko do akoakʼ ṭhạ̃irege lebetʼ gańjaokom.

Mathae 5:3

“Monre reṅgejokʼkogeko bhạgana, ente serma raj do onkoakʼ kangea.

Jobakʼ 22:29

Tinre am dom tumbutʼ ocokʼa unrem mena, ‘ińakʼ bạḍại iạtege noa do hoyakana’ amakʼ mạ̃hir iạtege Isor do ame bańcaomea.

Aposkạmi 12:23

Herod do unre Isor bae sarhaoledete Probhu Isorren mitʼṭen goḍet do uniye ńẽtʼkedea, arko tejokedete uni doe gocʼena.

Kạhtukko 16:19

Bạḍạiko sãote luṭakʼ jinis hạṭiń joṅ khon mạ̃hir monte santao ocokʼko sãote tahenge bhagea.

Kạhtukko 17:19

Okoe hoṛ bạṛicʼ monte tahene kusiyakʼkan uni do reṭepeṭeye dulạṛa; ar acʼte usulic hoṛ do jarkhare ạgujoṅa.

Kạhtukko 22:4

Nindhạnokʼ ar Probhu Isor botorae reakʼ kuṛại do dhon man ar jione ạguiya.

Obodiạ 1:3

Am do huṭupʼ dhiri lopakʼrem girobasokʼ kana ar usul usul ṭhạ̃ikorem tahenkana ar mone monetem meneda, ‘okoe hale otre doe pheḍ daṛekińạ?’ Menkhan amakʼ ontor reakʼ bạḍạikoge am doe ṭhoka akatʼmea.