Kạhtukko 29:18 - সান্তালী বাইবেল

¹⁸ Okare Isor do nạbiko hotete acʼakʼ sạriyakʼ bae sodor onḍenko hoṛ doko bhiṅgṛạukʼa; menkhan uni hoṛ doe bhạgangea okoe do Probhu Isorakʼ ạn ạrikoe manaoetʼ.

Kạhtukko 29:18 Referans Kwoze

Luk 11:28

Menkhan Jisui menkeda, “Onkogeko bhạgana one okoe do Isorakʼ kathako ańjometʼkan ar ona lekako kạmikan.”

Jakob 1:25

Menkhan okaṭakʼ purạ ạn manwa do sạdhintetʼe danae ona secʼ okoe mońjteye beṅged are hetawakʼ, uni do ona ạn reakʼ katha ańjomkate bae hiṛińa bickom ona lekae kạmiya. Onate uni do acʼakʼ sanam kạmire bhore ńama.

Hosea 4:6

Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

Johan 13:17

Noako baḍaekate onako lekape kạmile khan enḍekhan ape dope bhạgangea.

Kạhtukko 19:16

Okoe hoṛ Isorakʼ ạn ạrikoe manao uni do acʼakʼ jiwire rukhiyạitaea; menkhan okoe do acʼakʼ jion hor secʼ bae moneyakʼkan uni doe gujukʼa.

Sereńko 119:2

Bhạgangeako onko do, okoe uniyakʼ kathako ańjometʼkan ar goṭa ontorte uniyakʼ sana lekako calakʼkan.

1 Samuel 3:1

Huḍiń koṛa Samuel do Eli tabere tahẽkate Probhu Isore sapʼsoraekan tahẽkana. Ar onako dinre Probhu Isorakʼ katha do ḍher do baṅ ańjomokʼkan tahẽkana ar uniyakʼ dorson hõ mitʼ talao do bań ńamokʼkan tahẽkana.

Mathae 9:36

Uni do gadel hoṛe ńelketʼko khan mãyã hecʼadea, ente onko do gupiyicʼ begor bhiḍi leka laṅga arko asokʼ ṭayokʼ akan tahẽkana.

Exodus 32:25

Mose do hoṛko bhiṅgṛạu akana menteye ńelketʼkoa. Uni doe bujhạukeda Arongeye bhiṅgṛạu ocoakatʼkoa ar onate bạiri ṭhen cigạri ocokʼ lek ko hoyakana.

Sereńko 74:9

Abo iạte jãhãn hahaṛa kạmi hoyokʼkan nonka do ar babon ńeleda; jãhãn nạbiko hõ ar bạnukʼkoa; nonka baṅ ar tinạkʼ din calakʼ ona do aboren okoe hõ bako baḍaea.

Sereńko 19:11

Ona do amren golame sontorede kana, ar ona manao lekhan ḍher lab hoyokʼa.

Johan sodor 22:14

“Bhạgangeako onko do, one okoe do akoakʼ kicricʼko ạrupʼetʼkan jemon jion dare reakʼ jo jom reakʼ ạidạriko ńam ar duạr secʼte nagrahateko bolo daṛeakʼ.

2 Bõsbudạ 28:19

Ahas raj iạte Probhu Isor do Jihudại copotʼ ocokeda, ente Ahas do Jihudạre bạṛicʼakʼoe ḍher ocokeda ar Probhu Isor sãote hõ bepạtiạranicʼe tahẽkana.

Sereńko 106:3

Bhạgangeako onko do, okoe do hok reakʼko bicạretʼ ar jaoge bhage kạmiko kạmikan.

Kạhtukko 8:32

“E bạbu, ńitokʼ ińakʼ katha ańjomme; okoe ińakʼ horteko calakʼkan onko doko bhạgangea.

Kạhtukko 29:19

Eken katha motote guti do bae ḍanṭaokʼa; ente bujhạulere hõ uni do ona bae manaoa.

Sereńko 119:1

Bhạgangeako onko do, okoe sạbitko colonetʼkan ar Probhu Isorakʼ hukum lekako calakʼkan.