Kạhtukko 29:14 - সান্তালী বাইবেল

¹⁴ Okoe raj do sạriyakʼte nandankoe bicạrko uniyakʼ siṅghạson do ṭarhao tahentaea.

Kạhtukko 29:14 Referans Kwoze

Kạhtukko 16:12

Raj lạgitʼ behokakʼ kạmi do hirkhạwakʼ kana, ente hok reakʼ kạmi hotete siṅghạson do ṭarhao tahena.

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Kạhtukko 29:4

Hok reakʼ bicạr iạte raj do disạme ṭarhao daṛeakʼa, menkhan okoe ghuse kusiyakʼ uni do disạme jarkhara.

Kạhtukko 20:28

Pạtiạr ar dhoromte raj do khạtirjomae dohoyede kana; ar pạtiạr hotetege uniyakʼ siṅghạson do ṭarhaokʼtaea.

Kạhtukko 28:16

Okoe disạm cakʼlaoicʼakʼ bud bạnukʼtae uni doe santaoa; ar okoe cakʼlaoicʼ laloce hirkhạwakʼ uni do ḍher din jiwetʼe tahena.

Kạhtukko 25:5

Bedhorom kạmiyicʼ do raj samaṅ khon ocogem, enḍekhan dhorom kạmi hotete uniyakʼ siṅghạson do ṭarhao tahena.

Sereńko 89:2

Ińiń lại saḍea je, amakʼ dulạṛ reakʼ kạmi do jaejug hạbicʼ borket idikʼkana mente; ar amakʼ pạtiạrtetʼ do sermarem bạisạu akada.

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

Jirimiạ 22:16

Uni do reṅgecʼ orecʼko ar dukhạliạkoakʼ mamblae chinḍạuetʼtako tahẽkana. Probhu Isor baḍaeye do ona sanamakʼ kạmikoge.

Jirimiạ 5:28

Onko do moṭa arko cĩkạ̃ṛ akana. Onkoakʼ bạṛicʼ kạmi reakʼ simạko do bạnukʼtakoa; ṭũạr amarko jemon hok reakʼ bicạr aloko ńam onate onko secʼ bako teṅgokʼ kana ar nacarkoakʼ ạidạri hõ bako rukhiyạyetʼtakoa.

Jesaea 1:17

Bhageakʼ kạmi reakʼ cetʼ joṅpe, hok reakʼ bicạrpe, sasantaoko sudhrạukope, reṅgecʼko secʼ tahenpe, ar rạnḍi maejiukoakʼ teṅgo goṛowakope.”