Kạhtukko 28:5 - সান্তালী বাইবেল

⁵ Bạṛicʼ hoṛko do hok bicạr reaṅ bako bujhạua, menkhan okoe Probhu Isorakʼ sana lekako calakʼkan onko do boge bạṛicʼ bujhạu reakʼ daṛeko ńama.

Kạhtukko 28:5 Referans Kwoze

1 Johan 2:27

Menkhan ape do Mạsi ṭhen khonpe ojokʼ ocoakana, metakʼme sonot Jiupe ńam akadea. Uni do apeakʼ ontoreye tahena. Onate eṭakʼ okoeyakʼ hõ cecetʼakʼ do baṅ jạruṛapea. Sanamakʼ reaṅ sonot Jiugeye cetʼapea. Uni doe sạriyicʼ kana, ar bae eṛea. Onate cetʼleka Mạsire tahene cetʼape onkage Mạsire tahenpe.

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

1 Johan 2:20

Menkhan ape do uni sonoticʼ ṭhen khonpe ojokʼ ocoakana, metakʼme sonot jiupe ńam akadea ar jotoge sạriyakʼpe baḍae akada.

Sereńko 92:6

Orlo hoṛ do ona bae baḍae daṛeakʼa; ar bebuj hoṛ hõ ona do bae bujhạu daṛeakʼa.

Johan 7:17

Jãhãe uniyakʼ sanaleka senokʼe menjoṅ khan enḍekhane bujhạu daṛeakʼa noa cecetʼakʼ do Isor secʼ khonakʼ kana se iń nij khoniń roṛeda.

Kạhtukko 24:7

Ạkil do khaṭo budan hoṛko khon pharakre tahena; nagraha reakʼ phaṭok duạr ṭhen mocage bae jhija.

Kạhtukko 15:24

Budan hoṛakʼ jion reakʼ hor do cetan secʼe idiya, ar onate uni do patal puri khon rukhiyại ńama.

Sereńko 119:100

Umeran hoṛko khon hõ iń do bạ̃ṛtiń bujhạueda, ente iń do amakʼ ạn ạrikoń senakʼ kana.

Sereńko 25:14

Probhu Isor okoeko botorae kan onko ṭhenge uni do acʼakʼ monsubại sodortaea, ar acʼe dohoakatʼ bondobose baḍae ocokoa.

Jirimiạ 4:22

Probhu Isore meneda, ‘Ińren hoṛko doko lelhagea; onko do bako baḍae akadińạ. Onko do bebuj hopon ar hoponera kanako; onko do bujhạu reakʼ daṛege bạnukʼtakoa. Bạṛicʼakʼ kạmiren guruko kanako, menkhan bogeakʼ kạmi do bako baḍaea.”

Kạhtukko 2:9

Ińakʼ katham ańjomle tiń khan, enḍekhan okaṭakʼ do lek reakʼ, okaṭakʼ do hok reakʼ, okaṭakʼ do dhorom reakʼ ar okaṭakʼ do bhạlại reakʼkan ona jotowakʼ reakʼ horkom bujhạu daṛeakʼa;

Jesaea 6:9

Uniye menkeda, “Am do senkate onko hoṛem metakoa, ‘ape dope ańjomgea menkhan bape bujhạua, ńeńel dope ńeńelgea menkhan bape oroma.’ ”

Jesaea 44:18

Onko hoṛko do cetʼge bako baḍaea, ar bujhạu hõ bako bujhạua. Arko kãṛãgete bako ńeńela ar monhõ bondgetakote bujhạu hõ bako bujhạu daṛeakʼa.

Sereńko 119:98

Amakʼ sanam hukumkoge ińren bạiriko khon akelanicʼe hoyocoyediń kana, ente onako do sanam ghạṛicʼ iń soṅgete tahẽnkana.

Jesaea 1:3

Ḍaṅgra do acʼren kisạ̃ṛe oromedea, gadha hõ acʼren mạlikakʼ nandware oromeda, menkhan Israel do acʼren mạlik bae baḍaeyede kana, ar ińren hoṛ hõ iń do bako bujhạu edeńkana.”

Amos 3:10

Probhu Isore menetʼkana, “Onko do hokakʼ kạmi bako baḍaekana; onko do gaṛko talare julum ar luṭ reakʼ jinisko doho jarwa akawana. Onatege mitʼṭen bạiri do onkoakʼ disạme gherao esetʼeda; ar onkoakʼ dakʼram gaṛkoe rạpudtakoa ar gaṛkoe luṭjoṅa.”