Kạhtukko 28:27 - সান্তালী বাইবেল

²⁷ Okoe hoṛ reṅgecʼ orecʼkoe danako uni do okulạnre bae paṛaokʼa, menkhan okoe onko ńelte mẽtʼe bedtae uni do ḍher sarape ńama.

Kạhtukko 28:27 Referans Kwoze

Kạhtukko 19:17

Reṅgecʼ orecʼkoe dayawako kan hoṛ do Probhu Isorgeye dayawae kana; Probhu Isorge uniyakʼ upkạr reakʼ dan doe emokʼkana.

Kạhtukko 11:24

Okoe lahe caheye danetʼkan uni do arhõ bạ̃ṛti hoyokʼtaea; arhõ menakʼkoa okoe do hok reakʼ khon ḍherko dohoyetʼre hõ reṅgecʼreko paṛaokʼ kana.

Dosar Biboron 15:7

“Aperen Probhu Isor okaṭakʼ disạme emape lạgidokʼkan ona disạmre aperen boehako modre jãhãege reṅgecʼreye paṛaokʼ, enḍekhan unire apeakʼ ontor do alope keṭejtapea, se uni reṅgecʼ boeha lạgitʼ apeakʼ ti do muṭ akae alope dohoytapea.

Dosar Biboron 15:10

Ar monre haso dohokate do alope emaea; enḍekhan Probhu Isor do apeakʼ sanam kạmireye bhorapea ar jãhãnakʼrege hatpe lagao onaregepe jo bahakʼa.

Kạhtukko 22:9

Danetʼkan hoṛ okoe do acʼakʼ jomakʼ reakʼ bhag khon reṅgecʼ orecʼkoe emako kan uni do bhore ńama.

Kạhtukko 11:26

Okoe hoṛ phosole dohobaekakʼ uni doko sarapaea, menkhan okoe onae ạkhriń uni do bhoranicʼe hoyokʼa.

Ibriko 13:16

Bhage kạmi lạgitʼ ar eṭakʼko reṅgejokʼre bhạlạiko reakʼ do alope hiṛińa, ente Isor do nonkan dãṛẽgeye kusiyakʼa.

Jesaea 1:15

Koejoṅ lạgitʼ tinre apeakʼ tipe rakabtapea unre ape secʼ do bạń beṅgeda. Ar ḍherpe koere hõ bạń ańjomtapea, ente apeakʼ ti do mãyãmte perecʼgetapea.

Kạhtukko 24:24

Bạṛicʼ hoṛ okoeye metae, “Am dom dhorom hoṛ kana,” Jạt jạtrenko do uniko sarapaea. ar disạm disạmrenko do uniko hirkhạwaea.

Kạhtukko 28:28

Bạṛicʼ hoṛkoakʼ tire ektiạri calaolen khan hoṛ doko okokʼa, menkhan onko bạṛicʼ hoṛko maraolen khan dhorom hoṛko ḍherokʼa.

Kạhtukko 11:25

Okoe lahe caheko emokʼ onko doko kisạ̃ṛokʼa; ar okoe eṭakʼkoe tirpit ocoko uni do acʼ hõe tirpit ocokʼa.