Kạhtukko 28:25 - সান্তালী বাইবেল

²⁵ Laloc menakʼtae hoṛ doe jhogṛakʼa, menkhan okoe Probhu Isorreye bhorsakʼ uni doe jo bahakʼa,

Kạhtukko 28:25 Referans Kwoze

1Timothi 6:6

Menkhan kusi monte Mạsiyakʼ dhorom biswạs lekate colonle khan do maraṅ labjoṅakʼ kangea.

Kạhtukko 11:25

Okoe lahe caheko emokʼ onko doko kisạ̃ṛokʼa; ar okoe eṭakʼkoe tirpit ocoko uni do acʼ hõe tirpit ocokʼa.

Kạhtukko 13:10

Bạḍại do jhogṛa ar reṭepeṭeye sirjạu ocoya, menkhan okoe hukumko ańjometʼ onko ṭhen do ạkil ńamokʼa.

Kạhtukko 13:4

Asketicʼ do ńam baṛaeye khoja menkhan cetʼge bae ńama, menkhan khaṭaokʼkan hoṛ do acʼakʼ khojokʼakʼ khon hõ ḍhere ńama.

Kạhtukko 10:12

Kurud do jhogṛae janam ocoya, menkhan dulạṛ do sanam lekan bedhorome danaṅa.

Kạhtukko 29:25

Manwa okoeye botorae ona botor do uniyakʼ jhampa leka hoyokʼa. Menkhan okoe Probhu Isorreye bhorsakʼkan uni do khạtirjomae tahena.

Kạhtukko 29:22

Edrekʼ hoṛ do jhogṛae salgaoa, ar etaṅ cạndi hoṛ do ạḍiye ghạṭa.

Kạhtukko 22:10

Landa dhutʼicʼ do laga ńirime, inạkhan jhogṛa do oḍokʼ calakʼa; ar kạphạriạu ar lajao hõ cabakʼa.

Kạhtukko 21:24

Bạḍại ar dhomokkan hoṛakʼ ńutum do, “Landa dhutʼicʼ;” uni do bạ̃ṛti gorbokʼ tulucʼe kạmiya.

Kạhtukko 15:30

Rạskạte perecʼ mẽtʼ do eṭakʼkoe rạskạ ocoyetʼkoa, ar bhạlại reakʼ sombat do jaṅ ar jele purṭhạyeda.

Kạhtukko 15:18

Raṅgaokʼ hoṛ do jhogṛakʼgeko ehoba, menkhan bae raṅgao hodokʼicʼ do jhogṛae thir ocoya.

Sereńko 84:12

E sanam daṛeanicʼ Probhu Isor, okoe amreye bhorsakʼ kan uni doe bhạgangea.

Jesaea 58:11

Iń Probhuge Isorge sanam ghạṛicʼ iń ạyurpea; ar khaṅgoṭ jaegakoreń tirpit ocopea ar hoṛmore daṛeń danapea. Ape do dakʼ ńametʼkan bagwan lekape hoyokʼa ar nonkan dakʼ jharnakope hoyokʼa ona do baṅge ańjedokʼa.

Kạhtukko 10:3

Probhu Isor do acʼ botoraekanko bae reṅgecʼ ocokoa, menkhan bedhoromkoakʼ laloc doe ạuṛiyakʼ ocoya.

Kạhtukko 15:27

Lalociạ hoṛ do acʼakʼ gharońjre duke ạguiya, menkhan okoe hoṛ ghuse hirkhạwakʼ uni do jione ńama.