Kạhtukko 28:15 - সান্তালী বাইবেল

¹⁵ Hạnḍrạukʼka dhạcri kul ar ghis ghisạu baṛaekan bana cetʼleka, onkage uni bạṛicʼ hoṛ do one okoe nandankoren cakʼlaoicʼe hoyokʼkan.

Kạhtukko 28:15 Referans Kwoze

Mathae 2:16

Herod do gonok ponḍetkoko eṛekedea menteye baḍaeketʼ khan ạḍi ãṭe raṅgaoena. Ar onko ṭhen khone baḍaeletʼ tahẽkan okte reakʼ hisạb lekate bar bochor ar ona khon latar umerren tinạkʼ koṛa gidrạ Betlehem ar ona aḍepase jaegakoreko tahẽkan onko joto gocʼko lạgitʼe hukumkeda.

1 Patras 5:8

Apnar sambṛaokʼpe ar sontor akae tahenpe, ente aperen bạiri Soetan do hạnḍrạukʼkan dhạcri kul lekae dhãoṛa dhạ̃uṛi baṛaekana jãhãegeye utʼgotʼkaea mente.

Kạhtukko 20:2

Rajakʼ raṅgao do dhạcri kulakʼ gondrao leka; uni okoeye raṅgao ocoye uni do acʼakʼ jiwi muskilreye paṛao ocoytaea.

Kạhtukko 19:12

Rajakʼ raṅgao do gondraokʼkan dhạcri kul leka, menkhan uniyakʼ daya do ghãsre ńur akan sisir dakʼ leka.

2 Rapajko 21:16

Inạ chaḍa Manase do bin dusạn hoṛkoakʼ mãyãm nunạkʼe joro ocoakada je, ona mãyãmte Jerusalem reakʼ mitʼ simạ khon eṭakʼ simạna hạbicʼ perecʼlen tahẽkana. Uni do Jihudạren hoṛkoe kại ocoletʼkote onko do Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana.

Exodus 1:22

Tayomte Pharao do acʼren porjako cetanre noae hukumkeda, “Ibriko talare koṛa hoponko janamlen khan ape do Nil gaḍarepe khadlekoa, menkhan kuṛi hopon do jiwetʼpe dohokoa.”

Hosea 13:8

Hoponko recʼakade bana eṅga leka iń do onko cetanre jhãpiń ema ar koṛamiń or cirạitakoa. Kul eṅga lekań utʼgotʼkakoa; ar bir janwarko lekań khanḍa khunḍi cabakoa.

Hosea 5:11

Ephrayim do acʼakʼ kusileka michạwakʼe pańjayeda uni doe santao ocokʼkana ar bicạrreye lebetʼ gańjao ocoakana.

Kạhtukko 17:12

Khaṭo bujan hoṛ okoe do lelhatetʼreye unum akan uni sãote ńapamokʼ khon hoponko recʼakade bana sãote ńapamokʼge bhagea.

2 Rapajko 15:16

Tayomte Menahem do tirsa khon oḍok kate Tipsa nagraha ar onḍenko hoṛko ar ona aḍepase ṭoṭharen sanamkoe akromonketʼkoa, ente onko do akoakʼ nagraha reakʼ phaṭok duạr jhicʼ bako rạjilena. Ona iạte uni do Tipsae marao utạrkeda ar sanam bhạrti hoṛmo maejiukoakʼ lacʼkoe getʼ cirạketʼtakoa.

2 Rapajko 2:24

Elisae do onko secʼ ạcurenteye beṅgetʼatʼkoa ar Probhu Isor ńutumteye sarapatʼkoa. Unre bir khon barea banakin oḍok hecʼente onko modren pongel bar goṭen koṛa kin khanḍa khunḍiketʼkoa.

Kạhtukko 29:2

Dhoromkoko saṅgelen khan hoṛkoko rạskạkʼa, menkhan bedhoromko cakʼlaokoko hoylen khan hoṛko doko kũhrạukʼa.

Exodus 1:13

Onko do arhõ jorjulum salakʼ golamko khaṭaoketʼkoa.

Jesaea 14:5

Probhu Isor do bedhoromkoakʼ ṭheṅgae rạputʼakada. Ar mạliki cakʼlaoko reakʼ mutạk hõ.

Jesaea 14:6

Uni do kurkurạukʼ edrete jạt jạtrenkoe ńẽtʼetʼko tahẽkana, one baṅ thirokʼ ńẽtʼkotege. Uni do edrekate jạt jạtrenko cetanre mạlikiye calaoetʼ tahẽkana, ar santaokateye domonetʼko tahẽkana.

Sephaniạ 3:3

Uniren rajren kạmiyạko do hạnḍrạukʼkan dhạcri kul leka ar disạm cakʼlaoko do ńindạren hunḍạr leka kanako; one setakʼ lạgitʼ cetʼge bako sarecʼ dohokakʼ kan.