Kạhtukko 28:13 - সান্তালী বাইবেল

¹³ Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Kạhtukko 28:13 Referans Kwoze

Jobakʼ 31:33

Eṭakʼ hoṛko leka kại do bạń danaṅ akatʼtińạ ar ińakʼ monre dos hõ bạń oko dohoakatʼa;

Jobakʼ 33:27

Unre uni do manwa ṭhen hecʼkateye mena, ‘iń doń kạileda ar sojheakʼ doń peṛtaleda, menkhan ińakʼ paona sạjại do bạń ńamleda.

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Sereńko 51:10

E Isor, amge ińre khạṭi ontor sirjạume; ar ińakʼ mon baṛe nãwã aroytińme.

Genesis 4:9

Unre Probhu Isor do Kaine kulikedea, “Amren boeha Habel do okare menaea?” Kaine menkeda, “Bạń baḍaea. Ińren boeha ńel todarote reakʼ bhar do cetʼ iń cetanre menakʼa?”

Kạhtukko 10:12

Kurud do jhogṛae janam ocoya, menkhan dulạṛ do sanam lekan bedhorome danaṅa.

1 Samuel 15:30

Sạule menkeda, “Iń doń kại akada; enhõ ińakʼ nehõr do niạge, iń jạtren murubbiko ar Israelko samaṅre ińakʼ manot baṛe dohoytińme. Jemon iń do amren Probhu Isorriń sewa daṛeae onate iń sãote dela calakʼme.”

1 Samuel 15:24

Unre Sạul do Sạmuele metadea, “Iń doń kại akada. Ar Probhu Isorakʼ hukum ar amakʼ kathako bạń manao akada. Hoṛko botorte iń do onkoakʼ katha lekageń kạmi akada.

Kạhtukko 17:9

Ghạṭ ikʼkạyicʼ do dulạṛe ńam baṛayeda, menkhan ona lại baṛayicʼ do gate reakʼ bhaṅgone janam ocoya.

1 Samuel 15:13

Unre Sạmuel do Sạul ṭhene senena. Khan Sạul do uniye metadea, “Probhu Isore bhoram ma. Iń do Probhu Isorakʼ hukumiń batao akada.”

Levitikus 5:5

“Noako behok reakʼ mitʼṭecʼ jãhãnakʼe onkaete jãhãe dusireye paṛaokʼ enḍekhan uni do ona behok akatʼ reakʼ aṅgoc hoyokʼtaea.

2 Samuel 12:13

Unre Dạud do Nathane metadea, “Iń do Probhu Isor upạrteń kại akada.” Nathane roṛ ruạṛadea, “Probhu Isor do amakʼ kạiye ikạ akatʼtama; am do bam gujukʼa.

2 Samuel 14:32

Absalom do roṛ ruạṛketʼte Joabe metadea, “Nonḍem hijukʼ iạte am ṭhen hoṛiń kolletʼkoa jemon raj ṭhen senkate noam kuliye, ‘cedakʼ iń do Gesur khon nonḍeń hecʼena? Onḍe tahenge cetʼ iń lạgitʼ boge baṅ tahẽkana?’ Ńitokʼ jemon rajakʼ mẽtʼãhãń ńel daṛeakʼ ona bebostaeme. Ar jãhãnakʼ iń dos akatʼ khan uni do ińe gojeńma.”

Esra 10:11

Ńitokʼ ape do aperen hapṛamkoren Probhu Isor ṭhen kại aṅgocpe ar uniyakʼ sana leka kạmipe. Apeakʼ disạmre girobasokʼ kan hoṛko ar eṭakʼ jạtren maejiu khon ape apnartetʼ begarokʼpe.”

Nehemiạ 9:2

Israel jạtren hoṛko do eṭakʼ sanam jạtrenko khon apnartetʼko begarena. Onko doko teṅgoyente akoakʼ kại ar akoren hapṛamkoakʼ bedhoromakʼko aṅgockeda.

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

Bikʼcạrko 10:15

Menkhan Israelko do Probhu Isorko metadea, “Ale dole ghạṭ akada. Am okaṭakʼ bhagem hudisetʼ alere onage onkaeme baṛe, menkhan dayakate niạ dhao do rukhiyạleme.”

2 Rapajko 20:15

Nạbi do uniye kulikedea, “Onko do amakʼ raj oṛakʼre cetʼ cetʼko ńelkeda?” Hiskiại menkeda, “Ińakʼ raj oṛakʼ reakʼ sanamakʼge onko doko ńelkeda. Ińakʼ khajańci oṛakʼre nonkan cetʼge bạnukʼa one okaṭakʼ do bạń udukʼ akawatʼko.”

2 Bõsbudạ 6:26

“Am upạrte amren hoṛkoakʼ kại gunạkʼte tinre rimil esedokʼte bae daga unre onko do niạ jaegare ruạṛkate amko sarhaome ar am ṭhenko koejoṅ ar kosṭo iạte kại khonko ruạṛokʼ,

Esra 10:2

Unre Elamren mitʼ bõsren Jehiyelren hopon Sekaniạ do Esrae metadea, “Aboakʼ disạmreko girobasokʼ kan judạ judạ jạtren kuṛiko bon bapla akatʼkote aboren Isor ṭhen do bepạtiạrko bon hoyakana; menkhan enhõ Israelkoakʼ as do ńithõ menakʼgea.

Jobakʼ 34:31

“Jãhãe hoṛge Isor do bako men akawadea, ‘iń do sạjạiyiń ńamakada, ar bạń behoka;

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Jona 3:10

Ar Isor do onkoakʼ kạmikoe ńelketʼtakoa, cetʼleka onko do akoakʼ bạṛicʼ hor khonko ạcurena, ar Isor do ona bạṛicʼ ńutumteye kastaoena one oka onko cetanre kạmi lạgitʼe roṛletʼ ona do ar bae onkaleda.