Kạhtukko 27:3 - সান্তালী বাইবেল

³ Dhiri do hamalgea ar gitil hõ hamalgea, menkhan bebuj hoṛakʼ raṅgao do onakin banar khon hõ hamalgea.

Kạhtukko 27:3 Referans Kwoze

Daniel 3:19

Unre Sedrok, Mesak ar Abed-nego cetanre Nebukadnesar do ạḍiye raṅgaoena ar uniyakʼ mẽtʼãhã reakʼ boron hõ pheraoentaea. Uni doe hukumkeda jemon bhaṭa do nindarako jol khon eae dobṛa bạ̃ṛtiko jol ocoy.

1 Johan 3:12

Onateń meneda, Kạin leka jemon alo bon hoyokʼma. Kạin do Soetanren hoṛe tahẽkana uni do acʼren boehae khũnledea. Menkhan cedakʼe khũn ledea? Ente uni do bạṛicʼakʼkoe kạmiyetʼkan tahẽkana, ar uniren boeha do dhorome kạmikan tahẽkana.

Kạhtukko 17:12

Khaṭo bujan hoṛ okoe do lelhatetʼreye unum akan uni sãote ńapamokʼ khon hoponko recʼakade bana sãote ńapamokʼge bhagea.

Genesis 49:7

Unkinakʼ kurkurạukʼ edre, ar kurmutạha do sarapanakʼ baṛe hoyokʼma. Unkin gusṭirenko do Jakobakʼ bõsko talareń hạṭińkoa, ar Israelko talareń chirchạturkoa.

Jobakʼ 5:2

Khĩs do bebujicʼ hoṛe ses utạrea ar hiskạ do lelhayicʼe gojea.

Kạhtukko 12:16

Bebuj hoṛakʼ khĩs do baḍae godokʼa, menkhan budan hoṛ do opoman bae moneyakʼ kana.

Kạhtukko 27:2

Eṭakʼ hoṛ baṛeko sarhaome ma, menkhan amakʼ luṭi do alo; hẽ, eṭakʼ hoṛegeko sarhaome ma.

Kạhtukko 27:4

Raṅgao do kurmutạhagea ar edre hõ ạḍi tạpisgea, menkhan mẽtʼ jolokʼ samaṅre do okoehõ bae teṅgo daṛeakʼa.

Numeri 22:27

Unre gadha eṅga do Probhu Isorren goḍet ńelte Biliam sudhại burumena. Onate Biliam doe raṅgaoena ar ṭheṅgate gadha eṅga arhõe dalkedea.