Kạhtukko 27:21 - সান্তালী বাইবেল

²¹ Rupạ biḍạu aṭkar lạgitʼ do galao reakʼ jinis menakʼa, ar sona lạgitʼ do culhạ, menkhan manwa do acʼakʼ sarhaoakʼreye biḍạu oromokʼa.

Kạhtukko 27:21 Referans Kwoze

Kạhtukko 17:3

Rupạ biḍạu aṭkar lạgitʼ do galao reakʼ jinis menakʼa ar sona biḍạu aṭkar lạgitʼ jinis do culhạ, menkhan manwa ontor do Probhu Isorgeye biḍạu aṭkara.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Sereńko 66:10

E Isor, am dom bachao akatʼlea; rupạ reakʼ mạilạ oḍok giḍikakʼ leka am do alem sapha akatʼlea.

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

Malaki 3:3

Rupạ gakʼlaoicʼ hoṛ leka uni doe hijukʼa. Uni do Liwikoe saphakoa ar sona-rupạ lekae khạṭikoa. Ona tayom onko do dhorom reakʼ monte Probhu Isor ńutumte samaṅokʼakʼ porobko porobokʼa.

1 Patras 4:12

E gateko, ńitokʼ do biḍạu seṅgel talate calakʼ hoyokʼ kantapete hahaṛakʼ tulucʼ alope hudisa je, apere ạnạṛi jãhãnakʼ hoyokʼkana mente.

Sereńko 12:6

Probhu Isorakʼ katha do nirạ kathako kana; ona do seṅgelte rapakʼ sapha akatʼ rupạ leka, ar eae dhao galao akatʼ rupạ lekage.

2 Samuel 14:25

Goṭa Israel disạmre Absalom leka ńelokʼte mońj do ar okoe hõ bako tahẽkana. Mońj ńelokʼ iạte uni do jotoko khon bạ̃ṛti sarhaoe ńametʼ tahẽkana. Uniyakʼ jaṅga talka khon coṭ bohokʼ hạbicʼ okare hõ cetʼ khutge baṅ tahẽkantaea.

1 Samuel 18:30

Inạ tayom Philisṭikoren subedarko do lạṛhại lạgitʼ oḍok hijukʼko ehopʼena. Ar tinạkʼ dhaoko oḍok hecʼen unạkʼ dhaoge Sạulren kạmiyạko khon Dạud do bud salakʼe kạmiketʼteye jo bahayena. Ar nonkate uniyakʼ ńutum do manot idiyena.

Luk 6:26

Hae ape do, joto hoṛ ape reaṅ bogeko roṛlere. Ente onkoren hapṛamkoge bhonḍ nạbikoko sarhaoetʼko tahẽkana.

Jobakʼ 28:1

“Rupạ reakʼ do khạn menakʼa ar sona nirại ocoy reakʼ hõ ṭhạ̃i menakʼa.