Kạhtukko 26:5 - সান্তালী বাইবেল

⁵ Bebujicʼ do acʼakʼ bebuj leka baṛe roṛ ruạṛaeme, ar baṅ khan uni do acʼ nońjorre budane hudisokʼa.

Kạhtukko 26:5 Referans Kwoze

Romiko lạgitʼ Pạul Apostolakʼ ciṭhi 12:16

Ape apere mitʼ mon tahentape ma. Usulakʼko do alope moneyakʼa bickom nindhạnko tulucʼ helmelokʼpe. Ar apnarte budanko mente do alope hudisokʼa.

Kạhtukko 28:11

Kisạ̃ṛ hoṛ do acʼakʼ mẽtʼreye ạkilan hoṛ kana, menkhan bud menakʼtae reṅgecʼ hoṛ do uniye baḍae oromedea.

Titus lạgitʼ Pạul Apostolakʼ ciṭhi 1:13

Ona goha do sạrigea. Onate ạḍi ajhaṭte onkoakʼ dosko udukʼakome jemon onko do dhorom biswạsre ṭhik lekako sapʼ doho akae tahen,

Romiko lạgitʼ Pạul Apostolakʼ ciṭhi 11:25

E boehako, apnarte jemon budanko alope monejoṅ onate iń do mitʼṭecʼ sạri okowakʼ baḍae ocopeń menjoṅ kana. Ona sạriyakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

Johan 8:7

Ado kulitegeko tahẽyen khan uni do sojheyenteye metatʼkoa, “Apeko modre okoe bae kại akatʼ unige pạhilre dhiriteye tiń maṛaṅema.”

Kạhtukko 26:12

Am do cetʼ nonkan hoṛkom ńel akatʼkoa okoe do apnarakʼ mẽtʼreye ạkilanicʼ kan? Ona khon boroṅ bebujicʼ reaṅge as menakʼa.

Kạhtukko 26:4

Bebuj hoṛ do acʼakʼ lelhatetʼ leka alom roṛ ruạṛaea, arem roṛ ruạṛae khan am hõ uni lekam hoyokʼa.

Kạhtukko 3:7

Apnar mẽtʼre budan do alom hoyokʼa; Probhu Isor botoraeme, ar bạṛicʼakʼ khon pharakre tahenme.

Jesaea 5:21

Hae, onko hoṛ do, okoe apnarakʼ mẽtʼre ạkilan ar budan kanako menteko hudisokʼkan.

Kạhtukko 26:6

Okoe hoṛ bebujicʼ hotete sombate kol uni do acʼakʼ jaṅgageye samagtaea ar harkhetgeye ńũjoṅa.