Kạhtukko 26:2 - সান্তালী বাইবেল

² Ghaṛwa se bhạluạ cẽṛẽ cetʼleka hante nateko uḍạu baṛae, onkage ạuṛiyakʼ reakʼ sarap do baṅ pheḍ hijukʼa.

Kạhtukko 26:2 Referans Kwoze

Numeri 23:8

Isor bae sarap akatʼko hoṛ do, cekateń sarapakoa? Probhu Isor okoe upạrte bin bhạlại reakʼ katha bae roṛakatʼ, onko upạrte cekate iń do bin bhạlại reakʼ katha doń roṛa?

Sereńko 109:28

Onko doko sarapạńma, menkhan am do bhorạńme; onko do iń upạrteko teṅgolen khan lajaoreko paṛaokʼma, menkhan amren golam doe rạskạkʼa.

Nehemiạ 13:2

Niạ reakʼ karon do hoyokʼkana, Mose bidạlre onko do jomakʼ ar ńũi lạgitʼ dakʼ hõ Israelko bako ematʼko tahẽkana, ar onko sarapako lạgitʼ Biliamko bhaṛa ạguledea. Menkhan aboren Isor do sarap bodolteye bhoratʼ bon tahẽkana.

2 Samuel 16:12

Hoedaṛeakʼ Probhu Isor do ińakʼ niạ kosṭoe ńela, ar teheń okaṭakʼ sarapiń ńametʼ ona bodolte ińakʼe bhạlạitińạ.”

1 Samuel 17:43

Goliạt do Dạude metadea, “Iń do cetʼ seta kạnạń onate ṭheṅgawante iń ṭhenem hijukʼkana?” Uni do acʼren debotako ńutumte Dạude sarapadea.

Kạhtukko 27:8

Tukạ bạgikate uḍạu baṛaekan cẽṛẽ cetʼleka, onkage oṛakʼ bạgikate dãṛã baṛaekan hoṛ hõ.

Jesaea 16:2

Cẽṛẽ do tukạ khon oḍok kate cetʼleka hantenateye uḍạu baṛae onkage Moabren hoṛko do Arnon gaḍa taṛam paromokʼ jaega ṭhenko ạcur baṛaea.

2 Samuel 16:8

Okoeyakʼ ṭhạ̃irem rajokʼkan uni Sạul bõsren sanam hoṛkoakʼ mãyãm reakʼ Probhu Isor do amreye hala akada. Ar Probhu Isor do amakʼ ona rajosṭi amren hopon Absalome emakawadea. Am dom khũniyạhi kana ar onatege nonkan dosarem paṛao akana.”