Kạhtukko 25:5 - সান্তালী বাইবেল

⁵ Bedhorom kạmiyicʼ do raj samaṅ khon ocogem, enḍekhan dhorom kạmi hotete uniyakʼ siṅghạson do ṭarhao tahena.

Kạhtukko 25:5 Referans Kwoze

Kạhtukko 20:8

Raj do tinre bicạr lạgitʼ siṅghạsonreye duṛupʼa unre uni do mẽtʼ reakʼ beṅgetʼte sanam bạṛicʼakʼkoe sạṅgińa.

Kạhtukko 16:12

Raj lạgitʼ behokakʼ kạmi do hirkhạwakʼ kana, ente hok reakʼ kạmi hotete siṅghạson do ṭarhao tahena.

Kạhtukko 20:28

Pạtiạr ar dhoromte raj do khạtirjomae dohoyede kana; ar pạtiạr hotetege uniyakʼ siṅghạson do ṭarhaokʼtaea.

Jesaea 16:5

Asambheṛ dulạṛte Dạudakʼ raj oṛakʼre mitʼṭecʼ siṅghạson do beredokʼa; mitʼṭen pạtiạrạnicʼ hoṛ do onareye duṛupʼa. Uni do dhoromteye bicạra ar usạrage dhorom kạmiye purạua.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Kạhtukko 29:14

Okoe raj do sạriyakʼte nandankoe bicạrko uniyakʼ siṅghạson do ṭarhao tahentaea.

Ester 7:10

Onate Haman okaṭakʼ pạsikaṭ Mordekai lạgitʼe sapṛao doholetʼ hoṛko do onarege Hamanko pạsikedea. Ar ona tayom do rajakʼ edre thirentaea.

1 Rapajko 2:46

Raj do inạ tayom Jehuyadaren hopon Banaeye hukumadea ar Banae do senkate Simaiye gocʼkedea. Nonkate Solomonakʼ rajosṭi do kajakte ṭarhao tahẽyena.

1 Rapajko 2:33

Unkinakʼ mãyãm reakʼ dos do Joab ar uniyakʼ bõsren hoṛkoakʼ bohokʼ cetanre jaejug hạbicʼ tahenma. Menkhan Dạud ar uni bõsren hoṛko cetanre ar uniyakʼ gharońj ar uniyakʼ siṅghạson cetanre Probhu Isorakʼ sạjại do jaejug hạbicʼ tahenma.”

1 Rapajko 2:45

Menkhan Solomon raj cetanre do bhor tahena, ar Dạudakʼ siṅghạson do Probhu Isor samaṅre jaejug hạbicʼ ṭarhao akan tahena.”

Kạhtukko 25:6

Rajakʼ mẽtʼãhã samaṅre apnar do alom sabasikʼa; ar maraṅ hoṛko talare apnarakʼ ṭhạ̃i do alom teṅgoya;