20 Okoeyakʼ mon bạṛicʼge uni ṭhen okoeye sereń uni do rabaṅ dinre kicricʼe totʼgiḍikakʼ se ghaore sirkạye duletʼkan hoṛ lekanae.
Okoeko rạskạkʼkan onko tulucʼ rạskạkʼpe; ar rakʼ joṅko tulucʼ do rakʼjoṅpe.
rakʼjoṅ okte ar landae okte, homor halaṅ okte ar enecʼ lạgitʼ okte,
reṅgecʼ hoṛko apeakʼ jomakʼ khon hạṭińakope, ar asray bạnukʼtako hoṛko apeakʼ oṛakʼre asray emakope, jãhãe uluṅpe ńellekore kiricʼ horokʼakope, ar aperen peṛa pạrbhạko alope dea giḍikoa. Niạkope kạmi lekhan apeakʼ do sạriyakʼ reakʼ upạs hoyokʼtapea.
Ar pạtiạuteakʼ koejoṅ do uni ruạkʼkan hoṛe bogeyea; Probhu Isorge uni doe bogeyea. Ar uniye kại akatʼ khan Isor do uniye ikạyea.
Ar raj do acʼakʼ doṅgolte ruạṛkate mitʼ ńindại upạs aṅgakeda; ar mon hulạsokʼtae lạgitʼ jãhãnakʼ hõ bako ạguadea; uni do jạpitʼ hõ bae jạpitʼ daṛeada.
Ḍaṭare sirkạ ar mẽtʼre dhũạ lagaolenre cetʼleka kosṭo ạikạukʼa, onkage kuṛhiyạ hoṛ hõ jãhãregem kolkae onḍege kosṭoko ńama.
Muhinre bepạtiạran hoṛ cetanre bhorsakʼ do lewe lewe ḍaṭa ar leḍha jaṅga leka.
Amren bạiri reṅgecʼlere jomakʼ emaeme, ar tetaṅlere ńũiyakʼ emaeme;