Kạhtukko 23:7 - সান্তালী বাইবেল

⁷ ente uni doe nonkan hoṛ kana okoe do sanam ghạṛicʼ acʼakʼ jomakʼ reakʼ dame hisạb baṛayetʼ. Uni doe metama, “Ne jomme ar ńũime,” Menkhan uniyakʼ mon do am tulucʼ bạnukʼtaea.

Kạhtukko 23:7 Referans Kwoze

Sereńko 12:2

Manwa do manwa ṭhen eṛeko roṛetʼkana; onko do luṭite kathako roṛa ar ontor do eṛete perecʼgetakoa.

Sereńko 55:21

Uniyakʼ moca reakʼ katha do makhon khon hõ cĩkạṛgea, menkhan uniyakʼ ontorre do lạṛhại menakʼa; uniyakʼ kathako do hoṛmore ojokʼ akatʼ sunum khon hõ noromgea, menkhan onako do khap khon or bocʼ akatʼ tarwaṛe lekage.

Bikʼcạrko 16:15

Onate Dolila do uniye metadea, “Cekatem meneda, ińem dulạṛedińa mente? Amakʼ mon do ińre bạnukʼtama. Niạ ghalokʼ pe dhao bokam benaokedińa. Ar amakʼ noa maraṅ daṛe cetʼre menakʼtama ona do bam baḍae ocoledińa.”

Kạhtukko 19:22

Manwa do manwa ṭhen khon dulạṛe khojkana; phạsiạra hoṛ khon reṅgecʼ hoṛgeye bhagea.

Luk 7:39

Ado okoe Phạrusi Jisui neotalede uni do noa ńelte mone monteye menkeda, “Nui hoṛ do nạbiye tahẽnlen khane baḍae daṛekea, cetʼ lekan maejiu jaṅgae joṭetʼetʼtaea mente; ente maejiu doe bạṛicʼgea.”

Daniel 11:27

Ar nukin banar rajge bạṛicʼakʼ secʼkin mohnḍakʼa ar ṭebilre duṛupʼkate apan ạpin talare eṛe kathakin roṛa, menkhan onate bạkin jo bahakʼa, ente unkinakʼ jotowakʼ reakʼ mucạtʼ do niṭ akatʼ okterege hijukʼa.

Kạhtukko 26:24

Kurudamkan hoṛ do acʼakʼ luṭite heṛem heṛeme roṛama, menkhan ontorre do phikire dohoyeda.

Kạhtukko 26:25

Uniyakʼ katha sebelgere hõ alom pạtiạuakʼa, ente uniyakʼ ontorre do eae goṭecʼ hirkhạwakʼko menakʼa.

Kạhtukko 26:23

Hasa bhajanre jiṛipʼ jiṛibokʼ lasraoakʼ leka kana, bạṛicʼ monre cĩkạ̃ṛ luṭi do.