Kạhtukko 23:4 - সান্তালী বাইবেল

⁴ Dhon lab lạgitʼ do alom dhãoṛa dhạ̃uṛi baṛaea; ar noa lạgitʼ amakʼ budre hõ alom bhorsakʼa.

Kạhtukko 23:4 Referans Kwoze

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alae mea ar tishõ bạń bạgi giḍimea.”

Kạhtukko 28:20

Pạtiạran hoṛ do ḍher bhore ńama, menkhan okoe kisạ̃ṛokʼ lạgitʼe ahkaokʼkan uni do sạjạiye ńama.

Mathae 6:19

“Noa dhạrtire ape lagitʼ dhon alope doho jarwajoṅa. Nonḍe do joṅ dhoraokʼte bạṛijokʼa ar tejokoko nosṭoea ar kombṛo hõ oṛakʼ bhugạkʼkateko idiya.

Kạhtukko 3:5

Amakʼ goṭa ontorte Probhu Isorre bhorsa akae tahenme; ar amakʼ bujre do alom bhorsakʼa.

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Romiko lạgitʼ Pạul Apostolakʼ ciṭhi 12:16

Ape apere mitʼ mon tahentape ma. Usulakʼko do alope moneyakʼa bickom nindhạnko tulucʼ helmelokʼpe. Ar apnarte budanko mente do alope hudisokʼa.

Kạhtukko 15:27

Lalociạ hoṛ do acʼakʼ gharońjre duke ạguiya, menkhan okoe hoṛ ghuse hirkhạwakʼ uni do jione ńama.

Kạhtukko 26:12

Am do cetʼ nonkan hoṛkom ńel akatʼkoa okoe do apnarakʼ mẽtʼreye ạkilanicʼ kan? Ona khon boroṅ bebujicʼ reaṅge as menakʼa.

Jesaea 5:21

Hae, onko hoṛ do, okoe apnarakʼ mẽtʼre ạkilan ar budan kanako menteko hudisokʼkan.

Kạhtukko 3:7

Apnar mẽtʼre budan do alom hoyokʼa; Probhu Isor botoraeme, ar bạṛicʼakʼ khon pharakre tahenme.

Romiko lạgitʼ Pạul Apostolakʼ ciṭhi 11:25

E boehako, apnarte jemon budanko alope monejoṅ onate iń do mitʼṭecʼ sạri okowakʼ baḍae ocopeń menjoṅ kana. Ona sạriyakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

Mark 4:19

menkhan gharońj reakʼ dạndi, ar dhon reakʼ mãyã ar emanteakʼ laloc hecʼakokante onko do onako ten loṭomkakʼ kana;

Jobakʼ 27:19

Onko do kisạ̃ṛgeko jạpida, menkhan ebhenkate sanamakʼ caba utạr akanko ńela.

Kạhtukko 27:24

ente dhon do jaejug baṅ tahena, raj mukuṭ hõ piṛhike piṛhi do baṅ tahena.

Sosolhayic̕ 5:13

Siń cando latarre mitʼṭecʼ ạḍi bạṛicʼakʼ iń ńel akada- kisạ̃ṛ hoṛ do ḍher dhonko doho jogaogea menkhan sesre ona reakʼ do lokshan hoyokʼa.

Jirimiạ 9:22

Probhu Isorge noa katha do memene metadińạ, “Hoṛkoakʼ mạ̃ṛĩ do gur akan tahena guricʼ leka; irokʼicʼ tayomre binḍạko leka, okoehõ ona do bako jarwaea.”