Kạhtukko 23:35 - সান্তালী বাইবেল

³⁵ Amem mena, “Onko do ińko ghạl akadińạ menkhan baṅ haso ledeńạ, onko do ińko dalkedińạ menkhan bạń bujhạuleda. Ar tinre baṅiń ebhenokʼ arhõ thoṛań ńũkea.

Kạhtukko 23:35 Referans Kwoze

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Jesaea 56:12

Onkoko meneda, “Dela hijukʼpe, darkha rasa bo ạgujoṅa; dela, bubulakʼkote bon ńũ turedokʼa. Teheń khon gapa do arhõ mońj hoyokʼa.”

Kạhtukko 27:22

Bebuj hoṛ do anaj sãote ukhuṛre toktem huṛuṅ gunḍạlere hõ, enhõ uniyakʼ lelhatetʼ do bae aṛagea.

Kạhtukko 26:11

Seta cetʼleka acʼakʼ becʼ secʼe ạcurokʼ, onkage bebuj hoṛ do arhõ lelhatetʼe kạmiya.

2 Patras 2:22

Onko babotre noa katha do sạrige hoyakana, “Seta do acʼakʼ becʼ secʼe ạcurokʼa,” ar “Sukri do ạrupʼ saphayere hõ leḍreye jobekʼgea.”

Ephesiko lạgitʼ Pạul Apostolakʼ ciṭhi 4:19

Onkoakʼ bibek do goṛdho akantakoa, onate bin tirpitokʼ ahkao monte joto lekan bin napaeakʼ kạmi lạgitʼ onko do lucạ lamoṭreko capaoena.

Jirimiạ 31:18

“Iń do khạṭige Ephrayimakʼ noa hae haeyokʼ doń ańjomakatʼgea, ‘am do bin etoakan mĩhũ lekam ḍanṭao akadińạ, ar ona iạte iń do sạjạiyiń ńam akada. Ruạṛińme, enḍekhaniń ruạṛ hijukʼa, ente am kangeam ińren Probhu Isor do.

Jesaea 22:13

Menkhan ńelpe, ape do onḍe ḍaṅgra ar bheḍape guretʼkoa, jel ar darkha rasape ńũiyetʼte rạskạ arpe hulạsokʼ kana. Arpe meneda, “Dela, bon jom-ńũwanrege, ente gapa do bon gujukʼa.”

Dosar Biboron 29:19

Ar noa kiriạ reakʼ kathako ańjom jokhecʼ okoe hoṛ do mone monete bhạganicʼ menteye hudisokʼ ar mone monteye men, apnarakʼ sana leka senlenre hõ nirạiteye tahena, enḍekhan ape sanamko cetanre uni do sorbonase paṛao ocoya.

Kạhtukko 23:34

Am do jalapurire giticʼ akan hoṛ lekam hoyokʼa, one badam khunṭi coṭreye giticʼ akan hoṛ lekage.