Kạhtukko 23:20 - সান্তালী বাইবেল

²⁰ Okoe darkha rasa bạ̃ṛtiye hoṅgor se okoeko hạbạitage ar bạ̃ṛti jelko jom, onko tulucʼ do alom soṅgekʼa;

Kạhtukko 23:20 Referans Kwoze

Ephesiko lạgitʼ Pạul Apostolakʼ ciṭhi 5:18

Alope ńũ bulokʼa, onate do bin sambṛaokʼkope hoyokʼa. Ona khon bickom sonot Jiu tabere tahenpe,

Luk 21:34

“Sontor akae tahenpe, jemon apeakʼ mon do rij roṅ, ńũ bulokʼ ar gharońj reakʼ dạndite ten alo tahentape.

Romiko lạgitʼ Pạul Apostolakʼ ciṭhi 13:13

Rij roṅ ar ńu bulokʼte do baṅ, loṭghuṭi ar lucạ lamoṭte do baṅ, reṭha reṭhi ar hiskạte do baṅ, menkhan siń marsalre dãṛãnkanko leka jion bon khemao ma.

Jesaea 5:22

Hae, onko hoṛ do, okoe doe darkha rasa hoṅgorkoren guru ar bubulakʼ mesalakʼ kạmireko gạkhuṛge,

Mathae 24:49

Ar acʼ sãoten gutiko dadale ehob, ar bulokʼko tulucʼe jom ńũi;

Luk 16:19

“Mitʼṭen kisạ̃ṛ hoṛe tahẽkana. Uni do beguni roṅakʼ ar eṭakʼ damanakʼ kicricʼkoe horokʼ bandeyetʼ tahẽkana. Ar jaoge hesecʼ sekrejokʼ tulucʼe jom-ńũiyetʼ tahẽkana.

Luk 15:13

Thoṛa din tayom huḍińicʼ hopon do acʼakʼ sompotti ạkhrińkate ṭaka-poesawante sạṅgiń disạmteye calaoena. Ar onḍe uni do rij roṅre tahẽkate acʼakʼ sanam ṭaka-poesae ublạ ḍublạ cabaketʼtaea.

Jesaea 22:13

Menkhan ńelpe, ape do onḍe ḍaṅgra ar bheḍape guretʼkoa, jel ar darkha rasape ńũiyetʼte rạskạ arpe hulạsokʼ kana. Arpe meneda, “Dela, bon jom-ńũwanrege, ente gapa do bon gujukʼa.”

Jesaea 5:11

Hae, onko hoṛ do, okoe do bubulakʼ ńũi lạgitʼ setakʼreko beredokʼkan ar ḍher ńindạ hạbicʼ duṛupʼkate darkha rasako hoṅgorkan, one ạuriko ńũ bhuteṛokʼ hạbicʼ.

Kạhtukko 28:7

Ạn ạrikoe manaoetʼkan uni hopon doe budangea, menkhan okoe do dạrdạharen gatekane uni hopon do apate lajao ocoyea.

Kạhtukko 20:1

Okoe hoṛ darkha rasa ńũkateye bulokʼ uni doe landa dhudhutʼa, ar okoe bubulakʼe ńũi uni doe jhogṛakʼa; noako ńũkate okoeye bulokʼ uni do ạkilan hoṛ doe baṅkana.

Dosar Biboron 21:20

Unkin do murubbiko kin metakoa, ‘ạlińren nui hopon do ạḍitetʼ ḍhiṭicʼ kanae are ṭhokgea; uni do bae hetawạliń kana. Uni doe ńũ bulokʼkana ar ṭaka poesae tahas nahas cabayetʼa.’

Kạhtukko 23:2

Arem hạbạitage khan enḍekhan sontorokʼme! Ar apnar sambṛaokʼte jomme.

Kạhtukko 21:17

Okoe hoṛ kusi rạskại dulạṛetʼ uni doe reṅgejokʼa; okoe hoṛ darkha rasa ar mahkaokʼ sunumkoe dulạṛetʼ uni do tishõ bae kisạ̃ṛ daṛeakʼa.