Kạhtukko 23:17 - সান্তালী বাইবেল

¹⁷ Amakʼ mon do kại hoṛko aloe hiskạwakoma, bickom sanam ghạṛicʼ Probhu Isor botoraete khemaome.

Kạhtukko 23:17 Referans Kwoze

Kạhtukko 28:14

Okoe hoṛ behok lạgitʼ jao okteye botorokʼkan uni doe bhạgangea, menkhan okoe acʼakʼ ontorre keṭejtae ar behok lạgitʼ bae botorokʼ kan uni do muhinreye paṛaokʼa.

1 Patras 1:17

Isor Baba do mimitʼ manwakoakʼ kạmi lekae bicạrkoa, uni do mẽtʼãhã ńelte bae bicạra. Onate Baba mente unipe hohowaekan khan, enḍekhan noa dhạrtire tinạkʼ din upriạ leka menakʼpe unạkʼ din uni botorae salakʼ din khemaope.

2 Korinthiko 7:1

E dulạṛiạ gateko, abon lạgitʼ noako gokʼakʼ menakʼte delabon, jel ar jiu reakʼ joto chut khon apnar bon saphakʼma, ar Isor botorae tulucʼ sonot reakʼ hortebon laha idikʼma.

Kạhtukko 15:16

Be suluk sãote ḍher dhon lab joṅ khon Probhu botorae tulucʼ thoṛawakʼge bhagea.

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore do suluk tahẽkana, ar ona manḍerko benao rakabokʼkan tahẽkana. Onate Probhu Isor botoraete ar sonot Jiu reakʼ uskurte onko doko saṅge idikʼkan tahẽkana.

Sosolhayic̕ 5:7

Ḍher kukmu ńel ar ḍher katha roṛ do ạuṛiyakʼgea, menkhan am do Isor botoraeme.

Kạhtukko 3:31

Jor julumicʼ jãhãeyem ńellere uni do alom hiskạwaea, se uniyakʼ jãhãn hor hõ alom bachaojoṅa;

Sereńko 111:10

Probhu Isor botorae do ạkil reakʼ etohopʼ kana; okoe ona lekako kạmi onko do akelko ńama. Probhu Isorakʼ sarhao do jaejug hạbicʼ tahenma.

Kạhtukko 24:1

Bạṛicʼ hoṛko cetanre alom hiskạkʼa, ar onko sãote tahen hõ alom hạ̃sakʼa.

Kạhtukko 24:19

Bạṛicʼ kạmi hoṛko iạte alom dur durạukʼa, ar bedhoromko ńelte alom hiskạkʼa.

Kạhtukko 24:21

E bạbu, Probhu Isor ar raj botorakinme, ar huhulkan hoṛko tulucʼ do alom mesalokʼa;

Sosolhayic̕ 5:6

Amakʼ moca do kại secʼ aloe or idimema. Ar alom menma, “Ińakʼ manotakʼ dohoy do bhul hoyakana,” Noa katha do mundilren sapʼdapʼko hõ alom lạiyakoa. Amakʼ katha iạte Isor do cedakʼe edrekʼte amakʼ titeakʼ kạmi doe bạṛijtama?