Kạhtukko 21:21 - সান্তালী বাইবেল

²¹ Okoe hoṛ do ahkaokʼ salakʼ sạri ar pạtiạr horteye calakʼ uni do jionre, bhor ar mane ńama.

Kạhtukko 21:21 Referans Kwoze

Mathae 5:6

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

1 Korinthiko 15:58

Onate, E ińren boehako, kajakte teṅgo ṭak akae tahenpe; jemon okaṭakʼte hõ alope ocogokʼ; ar jaoge Probhu Isorakʼ kạmire sareṛokʼpe, entepe baḍaegea, uniyakʼ kạmire mehnot do baṅ ạuṛiyagokʼ tapea.

Kạhtukko 22:4

Nindhạnokʼ ar Probhu Isor botorae reakʼ kuṛại do dhon man ar jione ạguiya.

Ibriko 12:14

Sanam hoṛko tulucʼ sulukte tahen ar sonot hoyokʼ lạgitʼ ahkaokʼpe. Sonot begor Probhu Isor do okoe hõ bako ńelńamea.

1Timothi 6:11

Menkhan am do Isorren hoṛ kanam; noako khon men ńirjoṅme. Ar dhorom, Isor bhokti, biswạs, dulạṛ, sobori, ar mạ̃hir baṛe khudạu me.

Kạhtukko 15:9

Probhu Isor do bedhoromkoakʼ hore hirkhạwakʼa, menkhan okoe hok reakʼ kạmi lạgitʼko laha idikʼ onko doe dulạṛkoa.

2Timothi 2:22

Juạn umer reakʼ bạṛicʼ sanako khon ńirjoṅme ar sapha ontorte okoe do Probhu Isorko hohowaekan onko tulucʼ dhorom, pạtiạr, dulạṛ ar suluk baṛe khudạume.

Jesaea 51:1

Probhu Isore meneda, “Ape okoe do dhorompe khudạuetʼkan ar ińakʼ sana leka calakʼpe kurumuṭukan, ape do ińakʼ katha ańjompe. Okaṭakʼ dhiri khonpe makʼ totʼ akan ar oka khạn khonpe la totʼ ocoakan ona baṛe beṅgetʼakʼpe.

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

Romiko lạgitʼ Pạul Apostolakʼ ciṭhi 14:19

Onate okaṭakʼ kạmile khan suluk hoyokʼ ar okaṭakʼte sanamko bon gopoṛo daṛeakʼ, ona reakʼ bon kurumuṭuima.

1 Thessalonikikko 5:21

Bhageakʼ sapʼ doho joṅpe,

Philipiko lạgitʼ Pạul apostolakʼ ciṭhi 3:12

Oka lạgitʼ iń kurumuṭukan ona do ńitgeń ńamakada se purạteń lab akada onka do baṅ. Menkhan oka lạgitʼ Jisu Mạsiye sapʼledeń ona sapʼ tiog lạgitʼge iń doń khudạu idikana.

Hosea 6:3

Dela, abo do Probhu Isor bon aṅgocema; ar baḍaeye lạgitʼ bon pańjayema. Siń candoe rakabokʼ leka uni do khạṭigeye sodorokʼa; uni do aghãṛ cando reakʼ dakʼte ote lohotʼetʼkan leka ar jạṛi dakʼ lekageye hijukʼa.

Kạhtukko 3:22

Ona do amakʼ jiwi lạgitʼ jion hoyokʼa, ar amakʼ hoṭokʼ lạgitʼ do mońj okocʼ malage.

Sereńko 112:4

Okoakʼ ontor khạṭige uni lạgitʼ do ńutre hõ marsalge tahena, ente uni do daya ar mãyãteye perecʼgea are dhoromgea.

Kạhtukko 10:16

Dhoromkoakʼ kuṛại do jion kana, menkhan bedhoromkoakʼ arjawakʼte kại do ḍherokʼkana.

Kạhtukko 11:19

Dhoromre ṭarhaoicʼ do jiwetʼe tahena, menkhan okoe do bạṛicʼakʼe khudạuetʼkan uni do gujukʼe ạguiyeda.