Kạhtukko 21:20 - সান্তালী বাইবেল

²⁰ Budankoakʼ oṛakʼre do damanakʼ dhon ar mahkaokʼ sunum tahena, menkhan bebuj hoṛ do onae ublạ ḍublạ cabaya.

Kạhtukko 21:20 Referans Kwoze

Sereńko 112:3

Uniyakʼ oṛakʼre do dhon duribko tahena; uniyakʼ dhorom do jaejug hạbicʼ tahena.

Sosolhayic̕ 5:19

Ona chaḍa Isor do tinre manwa dhon duribe danaea unre uni do ona jom lạgitʼgeye danae kana, uni do apnarakʼ kạmikate hesecʼ sekrecʼjokʼ lạgitʼ mitʼ hĩse emaekana. Noa jotoge Isorakʼ dan kana.

Sosolhayic̕ 7:11

Ạkil do sompotti ńamakatʼ leka bhage jinis kana; jiwetʼ hoṛko lạgitʼ ona do sorosgea.

Kạhtukko 15:6

Dhorom hoṛakʼ oṛakʼ do aema dhon menakʼa, menkhan bedhoromkoakʼ arjaoakʼ do muhine ạguiya.

Kạhtukko 10:22

Probhu Isor okoeye bhorae uni doe kisạ̃ṛgea; ar ona bhorre jãhãn duk ar kosṭo do baṅ tahena.

Luk 16:1

Jisu do acʼren celakoe metatʼkoa, “Mitʼṭen kisạ̃ṛ hoṛren maraṅ lonbonicʼ do noa menteko dusikedea je, uni do acʼren kisạ̃ṛakʼ dhonkoe nosṭoyeda.

Luk 15:14

Ado sanam ṭaka-poesae cabaketʼ khan ona disạmre mitʼṭecʼ maraṅ akal hoyena. Onate uni do ạḍi reṅgecʼreye paṛaoena.

Sereńko 23:5

Bạiriko samaṅrege am do jomakʼ ar ńũiyakʼkom juṛạuạń kana, ar bohokʼre sunumem ojokʼạń kana; ar ińakʼ bạṭi do sareṛokʼ kan tińạ.

Luk 6:45

Bhage hoṛ do acʼakʼ ontorre perecʼ bhageakʼ khon bhage kathageye oḍok ạguiya, ar bạṛicʼ hoṛ do acʼakʼ ontorre perecʼ bạṛicʼakʼ khon bạṛicʼ kathageye oḍoktaea. Manwa ontor okaṭakʼte perecʼ menakʼ, moca do ona kathageye roṛa.

Mathae 25:8

Ar lilhi kuṛiko do budan kuṛikoko metatʼkoa, ‘apeakʼ sunum khon den thoṛa emalepe, ente diuhe do ĩṛĩjokʼ kantalea.’

Jirimiạ 41:8

Menkhan onko mod khon gel hoṛ do Ismaelko metadea, “Ale do alom gocʼlea. Ale do ṭạnḍire aleakʼ jao, guhum, sunum ar dumur rasakole oko dohoakada.” Ona iạte Ismael do onkoe aṛakʼkatʼkoa, ar eṭakʼko sãote bae gocʼletʼkoa.

Sosolhayic̕ 10:19

Bhoj daka do rạskạ ocome lạgitʼ; darkha rasa do jiwi hulạs ocoy lạgitʼ; ar ṭaka-poesa do sanamakʼe jogaoa.

Jobakʼ 20:18

Oka lạgitʼ uniye khaṭao akan ona ạuriye jomrege ona do ruạṛkakʼ hoyokʼtaea; bạnij reakʼ labtetʼ hõ uni do bae jom ńama;

Jobakʼ 20:15

Ar okaṭakʼ dhon duribkoe utʼletʼ ona doe becʼ giḍikakʼa; Isor do uniyakʼ lacʼ khon onae oḍok giḍiya.

Kạhtukko 8:21

Okoe ińko dulạṛiń onko do dhon duribko ńama; ińge onkoakʼ murạikoń perecʼkatakoa.

Kạhtukko 14:24

Ạkilankoakʼ kuṛại do onkoakʼ dhonge, menkhan khaṭo budankoakʼ lelhatetʼ do arhõ lelhatetʼe janam ocoya.

Kạhtukko 22:4

Nindhạnokʼ ar Probhu Isor botorae reakʼ kuṛại do dhon man ar jione ạguiya.