Kạhtukko 20:7 - সান্তালী বাইবেল

⁷ Isor botorae hoṛ do dhoromreye taṛameda; bhạgangeako uniren bõsko do!

Kạhtukko 20:7 Referans Kwoze

Sereńko 112:2

Uniren bõsko do dhạrtire daṛeanko hoyokʼa; ontorre okoeye khạṭige uniren bõsko do bhorko ńama.

Sereńko 37:26

Isor botoraeko do jao oktegeko dayakʼa ar pańcako emokʼa; onkoren bõsko do bhorko ńama.

Jirimiạ 32:39

Iń do nonkan mon ar ontoriń emakoa onko do eken iń secʼgeko ạwilokʼa; onate onko do ako apnarte ar onkoren hopon ar hoponerakoakʼ bhạlại lạgitʼ jao okte ińko botorạńạ.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Aposkạmi 2:39

Ape lạgitʼ, aperen gidrạ lạgitʼ ar okoe do sạṅgińre menakʼko, metakʼme aboren Probhu Isor do okoeko acʼren hoṛ hoyokʼ lạgitʼe hohowako, onko sanamko lạgitʼ noa gokʼakʼ do emakana.”

Kạhtukko 19:1

Okoe khaṭo hudisan hoṛ peṛta kathae roṛ uni khon uni reṅgecʼ hoṛgeye bhagea one okoe do sạriyakʼreye dãṛãnkan.

Kạhtukko 13:22

Bhage hoṛ do acʼren goṛom gidrạko lạgitʼ ạidạriye doho oṭokakʼa, menkhan kạiyankoakʼ dhon do Isor botoraeko lạgitʼge doho akan tahena.

Kạhtukko 14:2

Okoe dhoromteye calakʼ uni do Probhu Isore botoraea, menkhan okoe peṛta horteye calakʼ uni doe nihạ̃tea.

Sereńko 15:2

Uni kangeae lek ạnicʼ hoṛ do, okoe do bin dusạnte jione khemaoetʼtae, ar dhorom reakʼkoe kạmikan, ar ontor khon sạriyakʼ kathakoe roṛetʼkan,

Genesis 17:7

Noa bondobos do eken am ar iń talare tahena ona do baṅ; ona do amren hoponko ar ińre piṛhike piṛhi hạbicʼ calakʼa. Noa do hoyokʼa jaejug reakʼ bondobosge. Niạ bondobos do amakʼ ar am tayom bõsren hoṛkoren hõ Isoriń hoyena.

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

Sereńko 26:1

E Probhu Isor, dhorom horre minạń ona baṛe udukʼ akome, ente iń do sạbit colonreń taṛameda; ar Probhu Isorregeń bhorsakʼ kana.

Jesaea 33:15

Unigeye daṛeakʼa, okoe do dhoromteye colonetʼkan ar hok reakʼkoe roṛetʼkan, ar okoe do julum reakʼ labkoe hirkhạwakʼ kan ar ghus hatao khon pharakreye tahenkan, okoe hoṛ do khũn reakʼ alo ańjom lạgitʼ luture tubetʼetʼtae ar bạṛicʼakʼ kạmi ńel khon mẽtʼe jạpitʼkatae kan.

Sereńko 26:11

Mekhan iń do sạbit colonreń taṛameda; onkoakʼ ti khon chaḍaoińme, ar dayawạńme baṛe.

Jobakʼ 1:1

Kus disạmre Job ńutuman mitʼṭen hoṛe tahẽkana. Uni do bindusạn ar dhorom hoṛgeye tahẽkana. Uni do Isore botorae kan tahẽkana ar bạṛicʼakʼ khon sạṅgińreye tahenkan tahẽkana.

Kạhtukko 14:26

Dhorom hoṛ do keṭecʼ bhorsa menakʼtaea ar uniren gidrạko lạgitʼ do aotan gaṛ menakʼa.