Kạhtukko 2:9 - সান্তালী বাইবেল

⁹ Ińakʼ katham ańjomle tiń khan, enḍekhan okaṭakʼ do lek reakʼ, okaṭakʼ do hok reakʼ, okaṭakʼ do dhorom reakʼ ar okaṭakʼ do bhạlại reakʼkan ona jotowakʼ reakʼ horkom bujhạu daṛeakʼa;

Kạhtukko 2:9 Referans Kwoze

Jirimiạ 6:16

Probhu Isor do acʼren hoṛko nonkae metakokana, “Dobạṭiạkore teṅgokate ńelpe ar sedae jug reakʼ suṛucʼ horko kulijoṅpe; bhage hor do okare menakʼa mente ar ona horte calakʼpe. Onate ape do apan ạpin jiwi lạgitʼ jirạupe ńama. Menkhan apepe meneda, ‘ale do ona horte bale taṛama.’

Jesaea 48:17

Probhu Isor, aperen chakʼḍaoicʼ, Israelren uni sonoticʼ do niạ kathae meneda, “Aperen Probhu Isor doń ińkangea; ar ape bhạlạiype lạgitʼgeń cetʼ apekana. Oka horte calakʼ lek kanpe ona hortegeń ạyuretʼpea.

Johan 14:6

Jisu do Thomae metadea, “Ińge hortetʼ, sạriyakʼtetʼ ar jion do. Iń hotete baṅkhan okoe hõ Baba ṭhen do ohoko calao daṛelena.

Sereńko 119:99

Ińren sanam cecetʼko khon iń doń akelanicʼ kana, ente amakʼ sanam kathako iń doń ganḍonjoṅ kana.

Sereńko 32:8

Iń Probhu Isorge bud ar akeliń ema ma ar okaṭakʼ horte calakʼ hoyokʼtam onań udukʼama; ariń beṅgetʼama ariń solhawama.

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Sereńko 119:105

Amakʼ katha do hor udukʼạń reakʼ diuhe kana, ona do ińakʼ calakʼ hor reakʼ marsalge.

Kạhtukko 4:18

Isor botoraekan hoṛkoakʼ hor do aṅga hijukʼkan marsal leka, one ạuri tikinokʼ hạbicʼ tạpis khon arhõ tạpis idikʼkan.

Kạhtukko 8:20

Iń do dhorom reakʼ horteń taṛameda, ar dhorom bicạr reakʼ horreń dãṛãnkana.

Kạhtukko 28:5

Bạṛicʼ hoṛko do hok bicạr reaṅ bako bujhạua, menkhan okoe Probhu Isorakʼ sana lekako calakʼkan onko do boge bạṛicʼ bujhạu reakʼ daṛeko ńama.

Sereńko 25:12

Okoe kanae uni hoṛ, okoe do Probhu Isore botorae kan? Ar okaṭakʼ hor bachao hoyokʼtaea ona do unigeye udukʼaea.

Kạhtukko 4:12

Onate amakʼ taṛam horre bam kucitokʼa, ar ńir senokʼre hõ bam tohodokʼa.