Kạhtukko 19:28 - সান্তালী বাইবেল

²⁸ Bạṛicʼ gohayicʼ do hok reakʼ bicạr iạteye landa dhutʼeda; ar bạṛicʼko do behokre unum akanko tahena.

Kạhtukko 19:28 Referans Kwoze

Jobakʼ 15:16

enḍekhan manwa, okoe do bạṛicʼ are kharapge ar ghạṭko dakʼ lekae ńũiyetʼ, uni do khạṭi bae hoedaṛeakʼa.

Jobakʼ 34:7

Job leka cetʼ jãhãe menaea okoe do dakʼ ńu bikʼ leka ṭiṭkạriye ńamakatʼ?

Hosea 4:8

Ińren hoṛkoakʼ kại gunạkʼte onkoakʼ do lab hoyokʼ kana ar ińren hoṛko kại lạgitʼko udgạuetʼkoa.

Kạhtukko 15:14

Okoeyakʼ monre buj menakʼ uni do ạkile sendraea, menkhan khaṭo bujankoakʼ moca do lelhawakʼe ạtińjoṅa.

Sereńko 10:11

Uni do mone moneteye meneda, “Isor doe hiṛiń akada; uni doe dea giḍiakada, ar tishõ bae ńeńela.”

Sereńko 10:5

Uni do jitạu reakʼ horte jaogeye laha idikʼkana; uniyakʼ mẽtʼ do amakʼ ḍanṭao bae ńel ńama, ente ona do ạḍi coṭgea; ar acʼren sanam bạiriko doe neṅghaoetʼkoa.

1 Rapajko 21:13

Ar ona tayom barea dusṭami hoṛ do hecʼkate Nabat samaṅrekin duṛupʼente uni upạrte niạ gohakin emkeda, uni do Isor ar raj upạrte bemanotakʼ kathae roṛ akada. Ona tayom hoṛko do nagraha bahrete Nabatko or oḍok idikedete dhiriteko tiń gocʼkedea.

1 Rapajko 21:10

Ar uni samaṅ reakʼ duṛupʼakʼ ṭhạ̃ire do barea bạṛicʼ hoṛpe duṛupʼkinạ. Unkin do niạ mente uni upạrte gohakin emma, uni do Isor ar raj upạrte bemanotakʼ kathae roṛ akada mente. Ar ona tayom onḍe khonpe or oḍokea ar dhiritepe tiń gojeya.”

Kạhtukko 19:27

E bạbu, ińakʼ ḍanṭao bam moneyakʼ khan enḍekhan am do ạkil reakʼ cecetʼakʼ khon eṭakʼ secʼem ghańjeṛokʼa.

1 Rapajko 16:27

Omriyakʼ eṭakʼ eṭakʼ kạmiko reakʼ katha ar lạṛhạire uniyakʼ jitạukʼ reakʼ katha do “Israelren rapajkoakʼ Itihãs” ńutumanakʼ puthire ol menakʼa.

Kạhtukko 16:27

Nicạṛ hoṛ do bạṛicʼ kạmi lạgitʼ phundiko aṭaoa; onkoakʼ kathako do jhạusạukʼ kan seṅgel leka.