Kạhtukko 19:23 - সান্তালী বাইবেল

²³ Probhu Isor botorae do jion secʼe idiya; okoeyakʼ ona jion menakʼ uni do tirpite tahena, jãhãn muhinge uni ṭhen do baṅ hecʼ daṛeakʼa.

Kạhtukko 19:23 Referans Kwoze

Mathae 5:6

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

Kạhtukko 12:21

Dhorom hoṛkoakʼ jionre bạṛicʼakʼ do baṅ hoyokʼa, menkhan bedhoromkoakʼ jionre bạṛicʼakʼte perecʼ tahena.

Sereńko 90:14

Amakʼ nãwã dulạṛte baṛe tirpitlem, jemon rạskạtele sereń daṛeakʼ ar kusite jionle khemao daṛeakʼ.

1Timothi 4:8

Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

Kạhtukko 10:27

Probhu Isor botorae do bahaokʼ dine baḍhaoa, menkhan bedhoromkoakʼ din do khaṭokʼtakoa.

Sereńko 103:17

Menkhan okoe do Probhu Isorko sewawae kan ar uniyakʼ bondobosko manaoetʼkan ar ona reakʼ niạm leka calakʼko menetʼkan onko cetanre uniyakʼ dulạṛ ar pạtiạr do jaejug hạbicʼ piṛhike piṛhi tahena.

Sereńko 85:9

Okoe uniko botoraekan sạrige uniyakʼ bańcao reakʼ okte onko ṭhen do hecʼ akana; onate uniyakʼ ṭhonok do aboakʼ disạmre girobasokʼa.

Romiko lạgitʼ Pạul Apostolakʼ ciṭhi 8:28

Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ domteye kạmikana.

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Sereńko 91:16

Ar ạḍi diniń bahaoeteń purun ocoyea; ar ińakʼ babańcaoiń ńel ocoyea.”

Sereńko 25:13

Uni do sulukte acʼakʼ jione khemaoa, ar uniren bõsko do disạmre ạidạriko ńama.

2Timothi 4:18

Probhu Isor do sanam bạṛicʼakʼ kạmi khone rukhiyạyińạ ar acʼakʼ serma rajreye idi seṭerińạ. Uniyakʼge ṭhonok hoyokʼtaema jug cetan jug. Amen.

Sereńko 19:9

Probhu Isorakʼ botor do sapha utạrgea, ona do jaejug hạbicʼ tahenkana. Probhu Isorakʼ ạnko do sạrigea, onare bedhoromakʼ do cetʼge bạnukʼ anaṅ.

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore do suluk tahẽkana, ar ona manḍerko benao rakabokʼkan tahẽkana. Onate Probhu Isor botoraete ar sonot Jiu reakʼ uskurte onko doko saṅge idikʼkan tahẽkana.

Sereńko 91:10

onate amakʼ jãhãn sorbonas do baṅ hoyokʼa, ar amakʼ oṛakʼ cetanre jãhãn jhãpko hõ baṅ hijukʼa;

Kạhtukko 11:19

Dhoromre ṭarhaoicʼ do jiwetʼe tahena, menkhan okoe do bạṛicʼakʼe khudạuetʼkan uni do gujukʼe ạguiyeda.

Kạhtukko 19:22

Manwa do manwa ṭhen khon dulạṛe khojkana; phạsiạra hoṛ khon reṅgecʼ hoṛgeye bhagea.

Kạhtukko 3:24

Gitijokʼre ar do bam botorokʼa, ar amakʼ jạpitʼ hõ suk reakʼ hoyokʼtama.

Kạhtukko 22:4

Nindhạnokʼ ar Probhu Isor botorae reakʼ kuṛại do dhon man ar jione ạguiya.