Kạhtukko 19:2 - সান্তালী বাইবেল

² Ạkil baṅ tahen hõ baṅ bhagea; okoe hoṛ usạrate joto kạmiye menjoṅ uni doe bhulgea.

Kạhtukko 19:2 Referans Kwoze

Kạhtukko 21:5

Khaṭaokʼkan hoṛ do hudis joṅakʼkote khạṭige borkote ńama. Menkhan okoe hoṛ do begor hudiste usạrate kạmiye ehob uni do khạṭige ṭonṭareye paṛaokʼa.

Philipiko lạgitʼ Pạul apostolakʼ ciṭhi 1:9

Iń do noageń koejoṅ kana apeakʼ dulạṛ do jemon ạkil ar bud salakʼ hara idikʼtape.

Kạhtukko 29:20

Am do cetʼ nonkan hoṛkom ńel akatʼkoa okoe do katha lại lạgitʼe lahapʼ cahapʼ baṛaekan? Ona khon bickom bebuj hoṛrege bạ̃ṛti as do menakʼa.

Romiko lạgitʼ Pạul Apostolakʼ ciṭhi 10:2

Onko reaṅ do noa gohań emokʼ kana je, onko do Isor lạgitʼ ahkaokʼ mon menakʼgetakoa, menkhan Isor ṭhen cetʼ lekateko ataṅ ocokʼa ona do bako baḍaea.

Johan 16:3

Onko do noa iạtegeko onkaea ente Baba hõ bako baḍaeakadea ar iń hõ bako baḍae akadińạ.

Hosea 4:6

Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Kạhtukko 28:20

Pạtiạran hoṛ do ḍher bhore ńama, menkhan okoe kisạ̃ṛokʼ lạgitʼe ahkaokʼkan uni do sạjạiye ńama.

Sosolhayic̕ 12:9

Sosolhayicʼ do ạkilan hoṛe tahẽkana ar hoṛko hõ bidiyại cetʼ idiwatʼkoa. Uni do hudis ar biḍạu aṭkarkate ạḍi utạr kạhtukkoe gathao galaṅkeda.

Sosolhayic̕ 7:9

Amakʼ mon do alom kạhĩs ocoytama, ente kạhĩs do bebujkoakʼ koṛamre gạḍiạu akan tahena.

Kạhtukko 28:22

Lalocan hoṛ do kisạ̃ṛokʼ lạgitʼe dhãoṛa dhạ̃uṛi baṛaea, menkhan uni do bae baḍaea okulạn do uniye tạṅgi akadeya mente.

Kạhtukko 25:8

Hare phare kacahạrite do alom calakʼa, ente mucạtʼre am aḍepaseren hoṛ lajaoreye paṛao ocolem khan unre cetʼem cekaea?

Kạhtukko 14:29

Okoe usạrate bae raṅgaokʼ uni doe budan hoṛkana, menkhan usạrate raṅgao godokʼicʼ do lelha hoṛ lekanae.

Kạhtukko 1:16

ente onkoakʼ jaṅga do kại secʼge ńir calakʼ kana, ar mãyãm joro ocoy lạgitʼko thare marekʼ kana.

Kạhtukko 10:21

Isor botoraekoakʼ luṭi do ḍher hoṛgeye ńeljutkoa, menkhan ạkil begorte bebuj hoṛ doko gujukʼa.

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Jobakʼ 31:5

“Sạrigeń meneda, iń do eṛeakʼre bạń dãṛãnkana. Ińakʼ jaṅga do phikir tayomte bae ńir calakʼkana.

2 Rapajko 4:39

Unre cela-nạbiko modren mitʼ hoṛ do aṛakʼ sitʼ ạgui lạgitʼ baṛgete senkate bir taher nạ̃ṛĩye ńel ńamkeda. Ar mitʼ gocha haṛhatʼ taher joye gotʼ jarwakeda. Ona tayom ruạṛ hecʼkate onakoe getʼ kuṭi baṛaketʼte ṭukucʼreye khadlekeda, menkhan onako do cetʼkana mente okoege bako baḍaekan tahẽkana.