Kạhtukko 18:6 - সান্তালী বাইবেল

⁶ Khaṭo budanicʼakʼ katha iạte mambla hoyokʼa, ar acʼakʼ katha iạtege uni do dale joma.

Kạhtukko 18:6 Referans Kwoze

Kạhtukko 27:3

Dhiri do hamalgea ar gitil hõ hamalgea, menkhan bebuj hoṛakʼ raṅgao do onakin banar khon hõ hamalgea.

Kạhtukko 29:9

Budan hoṛ do khaṭo bujan hoṛ upạrteye mambla lekhan uni bebujicʼ doe landaya ar baṅkhane raṅgaokʼa, ar onate cetʼ miṭ maṭge baṅ hoyokʼa.

Kạhtukko 25:24

Jhogṛayicʼ maejiu tulucʼ mitʼ oṛakʼre tahen khon chat reakʼ mitʼ konare eskar tahenge bhagea.

Kạhtukko 20:3

Jhogṛa ar kạphạriạue bạgiyakʼ hoṛ do manote ńama; ar khaṭo bibekan hoṛ do jhogṛakʼ lạgitʼ sapṛaoe tahena.

Kạhtukko 19:29

Landa dhutʼetʼko lạgitʼ do sạjại tear dohoakana, ar khaṭo bujankoakʼ dea lạgitʼ do cạbukge.

Kạhtukko 19:19

Edre ḍhergetae hoṛ do ḍanḍom ocoaeme; entem rukhiyạ lekhan arhõ onkaetege hoyokʼtama.

Kạhtukko 17:14

Jhogṛa reakʼ ehopʼ do phoṛ oḍokokʼkan dakʼ leka, onate reṭepeṭe ehobokʼrege ona do ikạkakʼme.

Kạhtukko 14:16

Ạkilan hoṛ doe sontorokʼa ar bạṛicʼ khone sahaṛokʼa, menkhan bebuj hoṛ do acʼ cetanre pạtiạue dohoya ar bae sontorokʼa.

Kạhtukko 14:3

Bebuj hoṛ do acʼakʼ kathare bạḍạiye sodor ocoya, menkhan ạkilanko do akoakʼ katha iạte rukhiyạko ńama.

Kạhtukko 13:10

Bạḍại do jhogṛa ar reṭepeṭeye sirjạu ocoya, menkhan okoe hukumko ańjometʼ onko ṭhen do ạkil ńamokʼa.

Kạhtukko 12:16

Bebuj hoṛakʼ khĩs do baḍae godokʼa, menkhan budan hoṛ do opoman bae moneyakʼ kana.

Kạhtukko 22:10

Landa dhutʼicʼ do laga ńirime, inạkhan jhogṛa do oḍokʼ calakʼa; ar kạphạriạu ar lajao hõ cabakʼa.