Kạhtukko 18:23 - সান্তালী বাইবেল

²³ Reṅgecʼ hoṛ do daya ńam lạgitʼe nerha jerhakʼa, menkhan kisạ̃ṛ hoṛ do saegatʼgeye roṛ ruạṛa.

Kạhtukko 18:23 Referans Kwoze

Jakob 2:3

Unre ape do mońj kicricʼ horokʼ akatʼ hoṛ bạ̃ṛti manot emaetepe metae, “Am do noa bhage jaegare duṛupʼme,” ar uni reṅgecʼ hoṛ dope metae, “Onḍe teṅgo hataṛokʼme,” se “Nonḍe jaṅga pheḍre duṛupʼme,”

Jakob 2:6

Menkhan onko reṅgecʼ hoṛkoge ape dope henosta akatʼkoa. Kĩsạ̃ṛ hoṛkoge cetʼ bako kosṭoyetʼpea ar adalotte bako or idiyetʼpea?

Mathae 5:3

“Monre reṅgejokʼkogeko bhạgana, ente serma raj do onkoakʼ kangea.

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

1 Samuel 25:17

Ado ma hudisme am do ńitokʼ cetʼem cekaea, ente aleren kisạ̃ṛ ar uniren sanam hoṛko cetanre bạṛicʼakʼ do niṭ akana. Menkhan aboren kisạ̃ṛ do mitʼṭen bodmejaji hoṛ kanae, uni do okoeyakʼ kathage bae ańjoma.

1 Samuel 25:10

Nabal do Dạudren hoṛkoe roṛ ruạṛatʼkoa, “Okoe kanae Dạud do? Ar Jisạiren hopon baṅe cele kan? Nebetar do ḍher gutikoge akoren kisạ̃ṛ bạgikateko calakʼ kana.

1 Samuel 2:36

Ar am bõsren okoeko jiwetʼko tahen onko do mitʼṭecʼ rupạ ar mitʼṭecʼ piṭhạ lạgitʼ uni ṭhen hecʼkate otre ombakʼkateko sewawaea ar mitʼṭen naeke hudạ ńam lạgitʼko nehõrokʼa jemon thoṛa jomakʼe ńam.’ ”

Rut reakʼ kạhini 2:7

Uni doe metadiń tahẽkana, phosol gegetʼko tayomte ạṭi tala reakʼ hulạkʼko dayakate halaṅ ocoạńme. Ar uni do setakʼ khon ńit hạbicʼ nonḍege menaea; eken thoṛa ghạṛicʼ sate latarreye jirạulena.”

Exodus 5:2

Menkhan Pharaoe menkeda, “Okoe kanae uni Probhu Isor do, one uniyakʼ hukumiń ańjomte Israelkoń sen ocoakoa? Nui Probhu Isor hõ bạń baḍae akadea ar Israelko hõ bạń sen ocoakoa.”

Genesis 42:30

“Ona disạmren cakʼlaoicʼ hoṛ do ạḍi keṭecʼkate ale sãote kathae roṛakada. Uni do disạm cikʼyạ hoṛ kanale menteye hudisketʼlea.

Genesis 42:7

Joseph do dadattetʼtakoe ńel oromketʼkoa, menkhan ạnạṛi hoṛ lekae kuliketʼkoa, “Ape do oka khonpe hecʼakana?” Onkoko roṛ ruạṛadea, “Ale do Kanan disạm khon anaj kiriń lạgitʼle hecʼakana.”

1 Rapajko 12:13

Raj do murubbikoakʼ sopolha bae hetawatʼte ạḍi keṭecʼ kathateye roṛ ruạṛatʼkoa.

2 Bõsbudạ 10:13

Raj do murubbikoakʼ sopolha bae hetawatʼte ạḍi keṭecʼ kathateye roṛ ruạṛatʼkoa.

Kạhtukko 19:7

Reṅgecʼ hoṛ do acʼren peṛa pạrbhạ jotogeko kurudaea ar acʼren gateko hõ acʼ khon pharakreko tahena; ar uniyakʼ nerha jerhare onko do bako luturakʼa.

Kạhtukko 22:7

Kisạ̃ṛ hoṛ do nacarko cetanre mạlikiye calaoeda, ar rin jom hoṛ do emokʼicʼren golame hoyokʼa.

Jobakʼ 41:3

Uni do cetʼ am ṭhen dayae khoj boteja? Ar am tulucʼ cetʼ luhum suhume galmaraokea?