Kạhtukko 18:18 - সান্তালী বাইবেল

¹⁸ Gulibãṭkate jhogṛa do mucạdokʼa ar daṛeanko talare hõ ona doe chinḍạua.

Kạhtukko 18:18 Referans Kwoze

Kạhtukko 16:33

Hoṛko doko gulibãṭeda, menkhan ona reakʼ nitokʼ do Probhu Isorgeye ṭhikeda.

Nehemiạ 11:1

Disạm hoṛkoren mukhiyạko do Jerusalemreko girobasokʼ kan tahẽkana. Ar sarecʼ hoṛko doko gulibãṭkeda jemon onko modren gel hoṛko modre mitʼ hoṛ do jemon Jerusalemreye girobas daṛeakʼ ar sarecʼ are goṭen hoṛ do akoakʼ nij nij atoregeko tahenma.

1 Bõsbudạ 24:31

Noko hõ Dạud raj, Sadok, Ahimelok ar naeke ar Liwikoakʼ bõsren mukhiyạko samaṅre onkoren boehako, metakʼme Aron bõsren hoṛko lekako gulibãṭleda. Ar baṅ do maraṅicʼ boeha kane baṅ do huḍińicʼ boeha kane onko sanamko lạgitʼ inạ mitʼ lekageko gulibãṭleda.

1 Bõsbudạ 6:63

Ruben, Gad ar Sebulon gusṭi reakʼ ṭoṭha khon gulibãṭkate gelbar goṭecʼ nagraha ar atoko do bõs lekate Morari bõsren hoṛko ńamkeda.

1 Samuel 14:42

Sạule menkeda, “Iń ar ińren hopon Sạul talare gulibãṭ hoyokʼma.” Ar onate dos do Jonathan cetanre paṛaoena.

Josuạ 14:2

Probhu Isor do Mose hotete okae hukumletʼ onkage Israelkoren are tala gusṭiko modre gulibãṭkate sompottiko hạṭińatʼkoa.

Kạhtukko 18:17

Mamblare okoe pạhilre acʼ reaṅ kathae roṛ uniyakʼ katha do unrege sạri kana mente bujhạukʼa, one tin hạbicʼ armitʼ hoṛ hecʼkate uniye jeraye.

Kạhtukko 18:19

Boeha hoteteye opoman ocoakan boeha do kajak nagraha khon hõe keṭecʼgea; ar jhogṛa kạphạriạu do raj dolan reakʼ huṛkạṛ leka.

1 Samuel 14:41

Unre Sạul do Israelkoren Probhu Isore metadea, “Niạ reakʼ roṛ ruạṛaleme baṛe.” Ar unre Sạulren hopon Jonathan cetanre dos do paṛaoena ar sarecʼ hoṛko do chaṛko ńamkeda.