Kạhtukko 17:15 - সান্তালী বাইবেল

¹⁵ Bạṛicʼicʼ dhorom metae hoṛ ar dhoromicʼ bạṛicʼ metae hoṛ, Probhu Isor do unkin banargeye hirkhawạkin kana.

Kạhtukko 17:15 Referans Kwoze

Exodus 23:7

Eṛe katha khon pharakre tahenme ar jãhãn bindusạn se dhorom hoṛ do gujukʼ sạjại alom emaea. Okoe noa behokakʼe kạmi uni do rehay ohoe ńamlea.

Jesaea 5:23

okoe do ghus jomkate dusiyicʼko aṛakʼede ar bin dusiyicʼ do hok reakʼ bako bicạretʼtae.

Kạhtukko 18:5

Bedhoromicʼakʼ mẽtʼãhã beṅgetʼakʼ do baṅ bhagea, onate dhoromicʼe behokʼ ocokʼa.

Amos 6:12

Khaṛa burure cetʼ sadom doko kamsaokʼgea? Jalapurire cetʼ jãhãe do ḍaṅgrateye sikeya? Menkhan hok reakʼ bicạr ape do bis lekape hoyocoakada ar dhorom reakʼ jo dope haṛhatʼ ocoakada.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Jakob 5:6

Ape do dhorom hoṛkope dusi akatʼkoa arpe gocʼ akatʼkoa, ar onko do bako tạkicʼ daramletʼpea.

Romiko lạgitʼ Pạul Apostolakʼ ciṭhi 4:5

Menkhan okoe acʼakʼ kạmire bhorsa baṅkate eken Isorreye pạtiạukʼkan, Isor do uniyakʼ biswạs iạte dhorom menteye lekhayea, ente unige kại hoṛ do dhorom menteye lekha daṛeaea.

Amos 5:12

Ińiń baḍaea apeakʼ behokʼakʼko do tinạkʼ ḍhertapea ar apeakʼ ghạṭko hõ tinạkʼ bạ̃ṛtitapea mente! Ape do dhorom hoṛpe santaoetʼkoa ar ghuspe jomeda; ar nagraha reakʼ phaṭok duạr ṭhen reṅgecʼ hoṛkoakʼ hok reakʼ do bape bicạretʼa.

Amos 5:7

Ape do hok reakʼ bicạrpe haṛhatʼ ocoyetʼkana ar dhorom do otrepe lebda giḍikakʼkana.

Kạhtukko 6:16

Probhu Isor do eae goṭecʼ jiniskoe kurudakʼkana onako do uni ṭhen hirkhạwakʼ kana;

1 Rapajko 21:13

Ar ona tayom barea dusṭami hoṛ do hecʼkate Nabat samaṅrekin duṛupʼente uni upạrte niạ gohakin emkeda, uni do Isor ar raj upạrte bemanotakʼ kathae roṛ akada. Ona tayom hoṛko do nagraha bahrete Nabatko or oḍok idikedete dhiriteko tiń gocʼkedea.

Kạhtukko 11:1

Eṛe tulạ do Probhu Isore kurudakʼa, menkhan hok reakʼ baṭkhara doe kusiyakʼ kana.

Sereńko 94:21

Onko do dhorom hoṛko upạrte dolko pakaoa ar dhoromko gujukʼ sạjại emako lạgitʼko dusikoa.

Kạhtukko 17:26

Dhorom hoṛ ḍanḍome do baṅ bhagea se coṭ hudạren hoṛakʼ sạriạkʼtetʼ iạte dale hõ baṅ ṭhika.

Kạhtukko 31:5

Bubulakʼ ńũite onko do ạn ạrikoko hiṛińa, ar santaokʼkanko secʼ behokakʼko bicạra.

Jesaea 5:20

Hae, onko hoṛ do, one okoe bạṛicʼakʼ do mońjko metakʼkan ar mońjakʼ do bạṛicʼko metakʼkan, marsal do ńutko metakʼkan ar ńut do marsal menteko hudisetʼkan, ar okoe heṛemakʼ do haṛhatʼko metakʼkan ar haṛhatʼ do heṛemakʼ menteko hudisetʼkan.

Rak̕joṅ 3:35

maraṅ Isor samaṅre manwakoakʼ ạidạri baṅ aṅgockan,

Dosar Biboron 25:1

“Hoṛko talare jhogṛa jhạṭi hoylenre ar adalot hạbicʼ senlen khan bikʼcạrko do bin dusiyicʼ do bin dusi ar dusiyicʼ do dusi menkateko bicạr chinḍạukatakoma.

Jeheskel 13:19

Mitʼ bar cuputʼ jao ar mitʼ bar goṭecʼ piṭhạ lạgitʼ ape do ińren hoṛko samaṅre ińpe besonot akadińạ. Ińren hoṛko, okoe do eṛe kathako ańjometʼ, onko ṭhen eṛe katha roṛkate okoe do gujukʼ lekko baṅkan onkope gocʼ ocoakatʼkoa ar okoe jiwetʼ tahen lekko baṅkan onko do jiwetʼpe doho akatʼkoa.