Kạhtukko 16:12 - সান্তালী বাইবেল

¹² Raj lạgitʼ behokakʼ kạmi do hirkhạwakʼ kana, ente hok reakʼ kạmi hotete siṅghạson do ṭarhao tahena.

Kạhtukko 16:12 Referans Kwoze

Kạhtukko 25:5

Bedhorom kạmiyicʼ do raj samaṅ khon ocogem, enḍekhan dhorom kạmi hotete uniyakʼ siṅghạson do ṭarhao tahena.

Luk 12:48

Menkhan okoe begor baḍaete sạjại ńam reakʼe kạmi akatʼ uni do thoṛageye sạjại ocokʼa. Ar ḍhere em ocoakanicʼ ṭhen khon do ḍhergeko hataoa ar ḍhere jimạ ocoakan hoṛ hõ bạ̃ṛtiko koeyea.

Kạhtukko 29:14

Okoe raj do sạriyakʼte nandankoe bicạrko uniyakʼ siṅghạson do ṭarhao tahentaea.

Kạhtukko 28:9

Probhu Isorakʼ ạn ạri reakʼ katha jãhãe ańjomkate hõ bae senakʼ, enḍekhan uniyakʼ koejoṅ hõ hirkhạwanakʼ hoyokʼtaea.

Johan sodor 19:11

Tayomte iń do serma jhicʼ akan, ar onḍe mitʼṭen ponḍ sadomiń ńelkedea. Ar okoe uni sadomreye decʼakan tahẽkan uniyakʼ ńutum do pạtiạr ar sạriyicʼ. Uni do dhoromteye bicạreda are lạṛhại kana.

Kạhtukko 20:18

Solhakate goṭaeme; ar buj sujkate lạṛhại reakʼ lại saḍeme.

Sereńko 99:4

Okoe raj do dhorom bicạre kusiyakʼ uniyakʼ daṛe do amgem ṭarhao akatʼtaea, jemon uni do dhoromteye bicạr daṛeakʼ. Amge Jakob bõsrenko talare hok bicạr ar dhoromem dohoakada,

Dosar Biboron 25:16

Okoeye nonkae, metakʼme, ṭhokʼkayicʼ hoṛ do aperen Probhu Isore hirkhạwaea.

Kạhtukko 16:13

Dhoromkoakʼ luṭige raj doko rạskạ ocoyetʼkoa; ar sạri katha roroṛ hoṛge raj doko kusiaea.

2 Bõsbudạ 17:5

Ona iạte Probhu Isor do uni tabere rajosṭiye ṭarhaokeda. Ar Jihudạren sanam hoṛko do Jehosaphat dan sandesko emadea; onate uniyakʼ dhon-durib do ḍherena ar manot hõ ḍherentaea.

Kạhtukko 29:4

Hok reakʼ bicạr iạte raj do disạme ṭarhao daṛeakʼa, menkhan okoe ghuse kusiyakʼ uni do disạme jarkhara.