Kạhtukko 15:28 - সান্তালী বাইবেল

²⁸ Dhorom hoṛakʼ ontor do hudiskateye roṛ ruạṛa, menkhan bedhoromkoakʼ moca khon do bạṛicʼ katha ạtu oḍokokʼa.

Kạhtukko 15:28 Referans Kwoze

1 Patras 3:15

bickom Mạsi do apeakʼ ontorre Probhu Isor mente jaega emaepe. Apeakʼ as ar bhorsa reaṅ jãhãeko kulipe khan, enḍekhan roṛ ruạṛako lạgitʼ jaoge sapṛao akae tahenpe, menkhan ona reakʼ roṛruạṛ do mạ̃hir ar bhodro salakʼ emakope.

Kạhtukko 29:11

Khaṭo bujan hoṛ do acʼakʼ purạ edreye sodora, menkhan ạkilan hoṛ do apnare sambṛaokʼa.

Sosolhayic̕ 5:2

Amakʼ mocate katha do usạrate alom roṛgoda; ar Isor ṭhen hako pako jãhãnakʼ katha hõ alom roṛa. Isor do sermare menaea ar am do dhạrtire, onate amakʼ katha do jemon thoṛage hoyokʼ.

Kạhtukko 15:2

Ạkilan hoṛkoakʼ alaṅ do bidiại hạṭińeda, menkhan bebujkoakʼ moca do lelhawakʼe oḍokeda.

Mathae 12:34

E bińren bõsko! Apepe bạṛicʼgere hõ cekate bhageakʼ kathakope roṛ daṛeakʼ kana? Ente ontorre oka sareṛokʼ, onage moca doe roṛa.

Sosolhayic̕ 5:6

Amakʼ moca do kại secʼ aloe or idimema. Ar alom menma, “Ińakʼ manotakʼ dohoy do bhul hoyakana,” Noa katha do mundilren sapʼdapʼko hõ alom lạiyakoa. Amakʼ katha iạte Isor do cedakʼe edrekʼte amakʼ titeakʼ kạmi doe bạṛijtama?

Kạhtukko 29:20

Am do cetʼ nonkan hoṛkom ńel akatʼkoa okoe do katha lại lạgitʼe lahapʼ cahapʼ baṛaekan? Ona khon bickom bebuj hoṛrege bạ̃ṛti as do menakʼa.

Kạhtukko 16:23

Ạkilan hoṛkoakʼ ontor do uniyakʼ mocae ạyuretʼtaea, ar onate uniyakʼ cecetʼakʼte eṭakʼkoakʼ ạkil do ḍherokʼkana.

Kạhtukko 13:16

Sontorokʼkan hoṛ do ạkil salakʼe kạmiyeda, menkhan khaṭo budan hoṛ do acʼakʼ lelhatetʼe sodoreda.

Kạhtukko 10:19

Ḍher kathare bedhorom do baṅ okulạnokʼa, menkhan okoe mocae ḍanṭaoetʼtae uni doe budangea.

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.

Sereńko 59:7

Ńelme, onko do moca khon cokakʼ baklakʼko oḍokeda, onkoakʼ luṭi khon do tarwaṛe oḍokokʼ kana onko doko meneda, “Aboakʼ katha do okoe hõ bako ańjom ńama.”

Kạhtukko 10:32

Dhorom hoṛkoakʼ moca do lek lekan kathae roṛa, menkhan bedhoromkoakʼ moca do eken peṛta kathageye roṛa.