16 Be suluk sãote ḍher dhon lab joṅ khon Probhu botorae tulucʼ thoṛawakʼge bhagea.
Behokakʼte ḍher arjao khon hokte thoṛa arjaoakʼge bhagea.
Ḍher bạṛicʼ hoṛkoakʼ do asambheṛ dhon menakʼa, menkhan Isor botoraeko do tinạkʼ menakʼtako onage ḍhera.
Menkhan kusi monte Mạsiyakʼ dhorom biswạs lekate colonle khan do maraṅ labjoṅakʼ kangea.
Kisạ̃ṛ hoṛ peṛta horteye calakʼ khon uni reṅgecʼ hoṛgeye bhagea one okoe do bin dusạnteye dãṛãnkan.
Probhu Isor okoeye bhorae uni doe kisạ̃ṛgea; ar ona bhorre jãhãn duk ar kosṭo do baṅ tahena.
Dukokʼ kankoakʼ do joto dinge bạricʼgetakoa, menkhan kharsalayikʼ do joto dingeye hesecʼ sekrejokʼa.
Hoe tayomte ńir calakʼ lạgitʼ khaṭaokate bar ańjle ńam khon sulukte mitʼ cuputʼ ńamge bhagea.
Jhogṛa ar kạphạriạukʼte perecʼ bhoj oṛakʼ khon sulukte tahẽkate mitʼ kecakʼ piṭhạ hõ bhagegea.