Kạhtukko 14:31 - সান্তালী বাইবেল

³¹ Okoe reṅgecʼ hoṛe santaoko uni do sisirjạuicʼe henostawae kana, menkhan okoe hoṛ okulankoe dayawako uni do acʼren sisirjạuicʼe manotea.

Kạhtukko 14:31 Referans Kwoze

Kạhtukko 22:2

Kisạ̃ṛ ar reṅgecʼ hoṛko talare begar do bạnukʼa Probhu Isor do onko sanamkoren bebenaoicʼ kanae.

Kạhtukko 22:16

Dhon lab lạgitʼ okoe hoṛ reṅgecʼkoe santaoko se okoe hoṛ kisạ̃ṛkoe danako unkin banar hoṛge ṭonṭare kin paṛaokʼa.

Kạhtukko 17:5

Okoe hoṛ reṅgecʼkoe nisṛạuko uni do onkoren sisirjạuicʼe henostawae kana; Okoe eṭakʼkoakʼ muhinreye rạskạkʼkan uni do sạjạiye ńamgea.

Kạhtukko 19:17

Reṅgecʼ orecʼkoe dayawako kan hoṛ do Probhu Isorgeye dayawae kana; Probhu Isorge uniyakʼ upkạr reakʼ dan doe emokʼkana.

1 Johan 4:21

Uni ṭhen khon noa hukum bon ńam akada, okoe Isorko dulạṛ edekan onko do boehako hõ jemonko dulạṛko.

Sosolhayic̕ 5:8

Amakʼ elakaren jãhãe reṅgecʼ hoṛ santao ocokʼem ńellere se jãhãe hoṛakʼ hok reakʼ bicạr ar hok reakʼ ạidạri bae ńametʼkanem ńellere alom botorokʼa, ente mitʼ kạmiạyicʼ cetanre maraṅ ar mitʼ kạmiạyicʼ menaea ar unkin banahoṛ cetanre arhõ maraṅ kạmiạyicʼ menaea.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Johan 12:8

Reṅgecʼko ma jaoge ape tulucʼ menakʼko, menkhan iń do jao okte bape ńameńạ.”

Kạhtukko 14:21

Okoe acʼ aḍepaseren hoṛkoe nihạ̃tko uni doe kạiyeda, menkhan okoe reṅgecʼkoe dawawako kan uni doe bhạgangea.

Levitikus 25:17

Okoe cetanre hõ alope behoka. Ar sanamkoge aperen Isor botoraepe, ente iń Probhuge aperen Isor do.

Dosar Biboron 24:14

“Paona babotre reṅgecʼ orecʼ ar din mạjuriko cetanre alope behoka baṅ doe aperen Israel boehakan ar baṅ doe apeakʼ disạmren upriạ hoṛkan.

Jobakʼ 24:4

Reṅgecʼ orecʼko do hor khonko laga ńiretʼkoa; onko iạte disạmren sanam reṅgecʼko doko okokokʼkana.

Kạhtukko 28:8

Okoe hoṛ jãhã lekan sudtege acʼakʼ dhone baḍhaotae, uni do nandanko dayawako lạgitʼge onae jarwayeda.

Levitikus 25:35

“Aperen jãhãe Israel boeha reṅgecʼ iạte acʼakʼ jom ńũ reakʼ bae bebosta daṛeakʼ, enḍekhan uni do ape talarege jemone girobas daṛeakʼ ona lạgitʼ porjạtrenko cetʼlekape goṛowako onkage uni hõpe goṛowaea.