Kạhtukko 14:28 - সান্তালী বাইবেল

²⁸ Porjako saṅgelen khan rajakʼ do ṭhonok hoyokʼa, menkhan kạmiạko begor mạlikakʼ do jarkharaokʼge.

Kạhtukko 14:28 Referans Kwoze

2 Rapajko 13:7

Mõṛẽgel aswariko, gel goṭecʼ rãt gạḍi ar gel hajar palṭonko chaḍa Jehoahasren lạṛhại phạdren do ar celege bako tahẽkana, ente Aramren raj do sarecʼ sanamkoe marao giḍi utạrletʼkoa. Uni do ot lekage jaṅgateye lebetʼ gańjaoletʼkoa.

Exodus 1:22

Tayomte Pharao do acʼren porjako cetanre noae hukumkeda, “Ibriko talare koṛa hoponko janamlen khan ape do Nil gaḍarepe khadlekoa, menkhan kuṛi hopon do jiwetʼpe dohokoa.”

1 Rapajko 20:27

Ar Israelko hõko jarwayena. Ar onkoakʼ jomakʼko reakʼ bebosta hoyen khan onko do Aramrenko sãote lạṛhại lạgitʼko oḍok hecʼena. Ar Aramrenko samaṅreko ḍerayena. Unre onko ńelte ako do barea huḍiń merom palren lekako hudisena, ente Aramrenko do goṭa disạmko chạplạu esetʼ akatʼ tahẽkana.

Exodus 1:12

Menkhan Misorrenko do Israelko tinạkʼko santaoketʼko unạkʼge onko do lekhareko ḍher idiyena ar beṛhaeteko pasnao idiyena. Onate Misriko do Israelko iạte monre botor rakapʼatʼkoa.

2 Samuel 19:7

Ńit am do bahrete oḍokokʼme ar amren hoṛko galmaraoakote udgạu emakom. Ente Probhu Isorreń kiriạkʼ kana, bam onka lekhan teheń ńindạ mitʼṭen hoṛ hõ am sãote bako tahena. Amakʼ koṛa umer khon teheń hạbicʼ tinạkʼ bạṛicʼakʼkorem paṛaolen onako khon noage maraṅ utạr bạṛicʼakʼ do hoyokʼa.”

Kạhtukko 14:27

Dhorom do jion reakʼ jharna kana; moron reakʼ jhạliko khon paskaokʼ lạgitʼ.

Kạhtukko 14:29

Okoe usạrate bae raṅgaokʼ uni doe budan hoṛkana, menkhan usạrate raṅgao godokʼicʼ do lelha hoṛ lekanae.

2 Samuel 24:3

Joab do raje metadea, “Amren Probhu Isor do hoṛkoakʼ lekha mitʼsae doboṛ ḍher baṛeye hoyocoema, ar ińren mạlik maharaj do acʼakʼ mẽtʼtege ona baṛeye ńel ma. Menkhan ińren mạlik maharaj do cedakʼ nonka kạmi doe khojkana?”

Jirimiạ 13:20

Probhu Isore meneda, “E Jerusalem, beṅgetʼ rakabme, ńelme utạr secʼ khon bạiriko daraekana. Okaṭakʼ palrenko do amakʼ tireko em hoylen, ar okoeko bhiḍiko iạtem bạḍạiyetʼ tahẽkan onko doko okayena?