Kạhtukko 14:2 - সান্তালী বাইবেল

² Okoe dhoromteye calakʼ uni do Probhu Isore botoraea, menkhan okoe peṛta horteye calakʼ uni doe nihạ̃tea.

Kạhtukko 14:2 Referans Kwoze

Aposkạmi 10:35

Ar mimitʼ jạtrenko mod khon okoe do uniko botoraekan ar uniyakʼ mẽtʼãhã samaṅre dhoromko kạmikan uni do onkoe ataṅkoa.

Kạhtukko 28:6

Kisạ̃ṛ hoṛ peṛta horteye calakʼ khon uni reṅgecʼ hoṛgeye bhagea one okoe do bin dusạnteye dãṛãnkan.

Sereńko 112:1

Probhu Isorakʼ sarhao hoyokʼtae ma. Okoe Probhu Isore botoraekan ar uniyakʼ hukum iạteye rạskạkʼkan uni doe bhạgangea.

Jobakʼ 28:28

Ona tayom uni do manwae metadea, ‘Probhu Isor botoraege hoyokʼ kana ạkil do, ar bạṛicʼ khon sahaṛokʼge hoyokʼ kana buj do.

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore do suluk tahẽkana, ar ona manḍerko benao rakabokʼkan tahẽkana. Onate Probhu Isor botoraete ar sonot Jiu reakʼ uskurte onko doko saṅge idikʼkan tahẽkana.

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.

Sereńko 25:21

Ińakʼ dhorom ar bhage kạmige iń doe rukhiyạyiń ma, ente iń do amregeń bhorsa akana.

Aposkạmi 10:22

Onko hoṛko menkeda, “Subedar Korneliusge ale doe kolakatʼlea. Uni do mitʼṭen dhorom ar Isor bhokti hoṛ kanae. Ar sanam Jihudikoge uniko sarhaoede kana. Isorren mitʼṭen goḍet do uniye hukumade tahẽkana jemon acʼakʼ oṛakʼte ame hoho idi ocomete amakʼ kathakoe ańjomtam.”

Luk 16:14

Ado noako katha ańjomkate Phạrusiko do Jisu siṛogaeko ehopʼena, ente onko do ṭaka-poesage bạ̃ṛtiko dulạṛetʼ tahẽkana.

Luk 10:16

Jisu do arhõ celakoe metatʼkoa, “Okoe apeakʼ kathako ańjometʼkan onko do ińakʼ kathageko ańjomeda. Okoe apeko nihạ̃tetʼpe onko do ińgeko nihạ̃tediń kana. Ar okoe ińko nihạ̃tedińkan onko do kol akadińicʼgeko nihạ̃tedekana.”

Kạhtukko 19:1

Okoe khaṭo hudisan hoṛ peṛta kathae roṛ uni khon uni reṅgecʼ hoṛgeye bhagea one okoe do sạriyakʼreye dãṛãnkan.

Kạhtukko 16:17

Bạṛicʼ khon sahaṛ tahenge dhoromkoakʼ hor do; Okoe hoṛ acʼakʼ jion reakʼ hor secʼe moneyakʼ uni do acʼakʼ jiwiye rukhiyạitaea.

Kạhtukko 11:12

Okoe acʼ aḍepaseren hoṛkoe nindạuko uni do ạkil reakʼ okulạn menakʼtaea, menkhan okoeyakʼ buj menakʼ uni do acʼakʼ alaṅe sambṛaoeda.

Kạhtukko 2:15

ar okoe do konḍeya ar bạṛicʼ horteko calakʼkan.

Jobakʼ 1:1

Kus disạmre Job ńutuman mitʼṭen hoṛe tahẽkana. Uni do bindusạn ar dhorom hoṛgeye tahẽkana. Uni do Isore botorae kan tahẽkana ar bạṛicʼakʼ khon sạṅgińreye tahenkan tahẽkana.

1 Rapajko 3:6

Unre Solomone roṛ ruạṛkeda, “Ińren ạpuń amren guti do ḍher pạtiạrem udukʼ akadea, ente uni do amre pạtiạre tahẽkana ar dhorom ar soṛageye tahẽkana. Teheń siṅghạsonre duṛupʼ lạgitʼ am do mitʼṭen hoponem emakawadea ar nonkate amakʼ asambheṛ pạtiạrem udukʼae kana.

Jobakʼ 12:4

Iń do Isoriń hohoaekan tahẽkana are ańjometʼtiń tahẽkana, enhõ ińren gateko do ińko landa-dhutʼạń kana.

2 Samuel 12:9

Menkhan Probhu Isorakʼ mẽtʼre oka bạṛicʼakʼkan ona kạmikate cedakʼ uniyakʼ katha dom nihạ̃t akada? Uni Hiti hoṛ Uriạ do tarwaṛetem gocʼ ocokedea ar uniren bạhu do amren bạhu mentem hatao akadea, ar Amonrenko hotetem gocʼ ocoakadea.

2 Rapajko 17:34

Teheń hạbicʼ onko do ona niạmgeko manao ạguiyeda. Onko do Probhu Isor bako sewawae kana, ente Probhu Isor do okoe Jakobakʼ ńutum Israele doholetʼtae uni Jakobren hoponko do Probhu Isorakʼ emakʼ niạmko, hukumko ar ạn-ạriko bako manaoleda.

Kạhtukko 16:6

Pạtiạr ar sạriyakʼtetʼ hotete bedhorom do pharakokʼa; Probhu Isor botorae hoṛ do bạṛicʼ khone sahaṛokʼa.