Kạhtukko 13:13 - সান্তালী বাইবেল

¹³ Okoe hoṛ Isorakʼ kathae nihạ̃t uni do acʼakʼ nosṭokʼe ạgujoṅa, menkhan okoe hoṛ Isorakʼ hukumkoe manao uni do acʼakʼ kuṛạiye ńama.

Kạhtukko 13:13 Referans Kwoze

Numeri 15:31

Uni do Probhu Isorakʼ kathae nihạ̃t akatʼte ar uniyakʼ hukume bebatao akatʼte khạṭigeye marao ocokʼa, ar uniyakʼ dos do unirege paṛaokʼa.”

2 Johan 1:8

Ape do sontor akae tahenpe, jemon apepe kạmiakatʼ reakʼ kuṛại purạtepe ńam daṛeakʼ.

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

Sereńko 119:165

Okoe amakʼ hukumko dulạṛetʼ onko do ạḍi sulukko ńama; ar cetʼte hõ onko do bako tohodokʼa.

Jeheskel 20:13

“Menkhan Israelren hoṛko do hahaṅkarre iń upạrteko hulkeda. Onko do ińakʼ niạm bako manaoleda ar ińakʼ okaṭakʼ ạn-ạri manao hotete manwa jionko ńam ona doko nihạ̃t giḍikada; ar iń emakʼ jirạukʼmãhã reakʼ sonottetʼ hõ bako rukhiyạleda. Onatege iń doń menkeda, onko cetanre ińakʼ edreń dulakote hahaṅkarrege onko doń marao giḍikakoa.

Sereńko 19:11

Ona do amren golame sontorede kana, ar ona manao lekhan ḍher lab hoyokʼa.

Jeheskel 20:16

Onko do ińakʼ ạn-ạriko nihạ̃t giḍiakada ar ińakʼ niạmko bạgi giḍiakada ar iń emakʼ jirạukʼ mãhãko reakʼ sonottetʼ do bako rukhiyạ akada, ente onkoakʼ ontor do boṅgako secʼge orokʼ kan tahẽkantakoa.

Jeheskel 20:24

ente onko do ińakʼ ạn-ạri bako manaoleda, ińakʼ niạmko nihạ̃t giḍiakada, iń emakʼ jirạukʼ mãhã reakʼ sonottetʼ bako rukhiyạleda, ar akoren hapṛamkoren boṅga murhutʼkoge bhageko hudiseketʼkoa.

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

Kạhtukko 13:21

Bạṛicʼakʼ do kạiyanko tayomteye ńir hijukʼa, menkhan bhạlại do Isor botoraekoakʼ kuṛại kana.

Kạhtukko 1:25

Ape do ińakʼ hukumkoge bape hetawatʼa, doskoń udukʼatʼpere hõ bape aṅgocleda,

Sereńko 115:13

Uni do acʼ botoraekan kạṭicʼ lạṭu sanamkoe bhorakoa.

Luk 16:31

“Unre Abrahame menkeda, ‘Mose ar nạbikoakʼ katha jãhãe bako ańjom khan enḍekhan gocʼko mod khon jãhãegeye beretʼlenre hõ onko do ohoko pạtiạulena.’ ”

Malaki 3:16

Unre okoe do Probhu Isorko botorae kan tahẽkan onko do ako akore kathako roṛana ar Probhu Isor do onae moneyada. Okoe Probhu Isorko botorae kan tahẽkan ar uni babotre khạndri reakʼko hudisetʼkan tahẽkan onko disạko lạgitʼ onko samaṅre mitʼṭecʼ puthi do olena.

Mathae 5:12

Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.

Esra 10:3

Onate dela bon, aboren Isor samaṅre niạ bon kiriạkʼma, ińren kisạ̃ṛ amakʼ sopolha lekate ar aboren Isorakʼ hukum okoeko botorakʼ kan onkoakʼ solha hotete ale do noko sanam maejiuko ar onkoren gidrạkole bạgi giḍiyakoa. Ar ona do ạn lekatege hoyokʼma.

Exodus 9:20

Unre Pharaoren kạmiyạko tinạkʼ do Probhu Isorakʼ kathate botor hecʼatʼko onko do usạra akoren golamko ar gại-ḍaṅgrako oṛakʼteko ạguketʼkoa.

Kạhtukko 13:12

As akanakʼ purạukʼte bilomokʼ khan ontor do rạpudokʼa,

Kạhtukko 19:16

Okoe hoṛ Isorakʼ ạn ạrikoe manao uni do acʼakʼ jiwire rukhiyạitaea; menkhan okoe do acʼakʼ jion hor secʼ bae moneyakʼkan uni doe gujukʼa.

Sereńko 19:12

Apnarakʼ bhul do okoeye bujhạu daṛeakʼa? Ińakʼ bin baḍae dosko reakʼ baṛe ikạitińme.

Kạhtukko 16:20

Okoe hoṛ Isorakʼ kathae luturakʼkan uni do bhạlại hoyokʼtaea, ar okoe Probhu Isor cetanreye ṭehãḍokʼkan uni doe bhạgangea.