Kạhtukko 11:4 - সান্তালী বাইবেল

⁴ Isorakʼ edre tisokʼ pheḍ hijukʼa enhilokʼ dhon do jãhãn porhoge baṅ hoyokʼa, menkhan Isor botorae do gujukʼ khone rukhiyạwa.

Kạhtukko 11:4 Referans Kwoze

Kạhtukko 10:2

Behok lekate ńamakʼ dhonre jãhãn porho do bạnukʼa, menkhan dhorom do moron khone rurukhiyạwa.

Sephaniạ 1:18

Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Uniyakʼ ontor jala reakʼ seṅgelte goṭa dhạrti do lokʼa, ente dhạrtire tahẽnkan sanamkoge uni do ackageye caba utạrkoa, hẽ uni do botorgeye ses utạrkoa.

Genesis 7:1

Noa tayom Probhu Isor do Noha arhõe metadea, “Am ar am gharońjrenko ape do jahajte bolokʼpe. Ente ińiń ńeleda, hoṛko modre eken amgem dhoromgea.

Jeheskel 7:19

Akoakʼ rupạ do kulhikoreko giḍikakʼa ar akoakʼ sona do besaphawakʼ jinisge hoyokʼa. Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Onate onkoakʼ lacʼ do baṅ bikʼa se reṅgecʼ hõ baṅ cabakʼtakoa. Onko do onakoge kạireye paṛao ocoakatʼkoa.

1Timothi 4:8

Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

Luk 12:20

Menkhan Isor do uniye metadea, ‘E bebuj, teheń ńindạge am dom gujukʼa. Enḍekhan onem doho jarwa akatʼ dhon do okoeyakʼ hoyokʼa?’ ”

Mathae 16:26

Jãhãege goṭa dhạrtiye hameṭte acʼakʼ jiwiye khuạutae enḍekhan cetʼ porho hoyokʼtaea? Se mitʼṭen hoṛ acʼakʼ jiwi bodolte cetʼe emkea?

Romiko lạgitʼ Pạul Apostolakʼ ciṭhi 5:17

Mitʼṭen manwawakʼ kại gunạkʼte gujukʼ ar uni mitʼ hoṛ hotetege rajokʼe ehopʼleda. Menkhan okoe do Isorakʼ asambheṛ daya ar dhorom menteko ataṅ ocokʼ, onko do uni mitʼ hoṛ, metakʼme Jisu Mạsi hotete sạri jion reakʼ perecʼtetʼ iạte khạṭigeko rajokʼa.

Kạhtukko 12:28

Dhorom reakʼ horre do jion menakʼa, ar ona horre do gujukʼ bạnukʼa.

Kạhtukko 6:34

ente ontor reakʼ jaljalaokʼ do jãwãetetʼakʼ edreye rakaba; ar hala hạli lạgitʼ uni do jãhãn mãyãge bae uduga.

Jobakʼ 20:28

Banbạsi do uniyakʼ oṛakʼ reakʼ jotowakʼe ạtu iditaea, Isorakʼ edre hilokʼ ona do purạteye buhel iditaea.

Jesaea 10:3

Sạjạiyokʼ dinre tinre sạṅgiń khon jarkharakʼ hijukʼa unre ape do cetʼpe cekaea? Goṛo ńam lạgitʼ okoe ṭhenpe ńir calakʼa? Apeakʼ dhon durib do okoe ṭhenpe doho oṭokakʼa?

Jeheskel 14:14

ar onko pene hoṛ, metakʼme Noha, Daniel ar Jobge, ona talareko tahen, enḍekhan, onko hõ akoakʼ dhorom iạte eken akoakʼ jiwigeko rukhiyạ daṛeketakoa. Iń Probhu Isorge noa katha doń meneda.