Kạhtukko 11:31 - সান্তালী বাইবেল

³¹ Noa dhạrtirege Isor botoraekan hoṛ do kuṛạiko ńam khan, enḍekhan bedhorom ar kạiyanko do khạṭige akoakʼ kuṛạiko ńamgea.

Kạhtukko 11:31 Referans Kwoze

Jirimiạ 25:29

Ńelpe, ińakʼ nagrahage pạhilteń marao giḍikakʼ lạgidokʼ kana, enḍekhan ape do cetʼ begor sạjạitepe tahena? Sạjại dope ńamgea, ente dhạrtiren sanam hoṛko upạrte iń do lạṛhạiyiń ạguakada. Iń phạdkoren Probhu Isorge noa katha doń meneda.’

Kạhtukko 13:21

Bạṛicʼakʼ do kạiyanko tayomteye ńir hijukʼa, menkhan bhạlại do Isor botoraekoakʼ kuṛại kana.

1 Rapajko 13:24

Ado Isorren hoṛe mohnḍayen khan mitʼṭen dhạcri kul do horre uniye ńamkedea are gocʼkedea. Ar uniyakʼ mạ̃ṛĩ do horre giḍi akan tahẽyena ar ona mạ̃ṛĩ sorre gadha ar dhạcri kul teṅgo akan kin tahẽyena.

2 Samuel 22:21

Ińakʼ dhorom kạmi lekatege Probhu Isor doe dan akawạdińa, ińakʼ kạmi reakʼ napaetetʼ iạtege uni do kuṛạiye emadińạ;

2 Samuel 22:25

Onate Probhu Isor do kuṛạiye emakawạdińa uniyakʼ mẽtʼãhã samaṅrege dhorom kạmi lekate ińakʼ mońjakʼ kạmikote.

Kạhtukko 12:1

Okoe hoṛ ḍanṭaoe kusiyakʼ uni do ạkile dulạṛeda, menkhan okoe samka sạṭi reakʼ kathae kurudakʼ uni doe orlogea.

Kạhtukko 26:10

Mitʼṭen tutuń hoṛ cetʼleka ạuṛige sare aṛakʼetʼte sanamkoe ghạletʼko, onkage uni hoṛ, okoe do bebujicʼ se horten hoṛko kạmireye lagaoko.

Jesaea 3:11

Hae hae, bedhorom hoṛko do! Onko cetanre do muhin hijukʼa. Ar okako kạmikan ona reakʼ kuṛại doko ńamgea.

Jesaea 13:11

Probhu Isore meneda, “Bạṛicʼakʼko iạte iń do pirthimiń sạjạiyea; ar bạṛicʼkoakʼ behokakʼ iạte onkoń sạjạikoa. Iń do phulạkʼ kankoakʼ bạḍạiyiń cabaetakoa ar kurmutạhakoakʼ gorbo doń rạpudtakoa.

Jeheskel 44:10

“ ‘Israelko tinre bạṛicʼ horteko senlena unre iń bạgikate okoeko Liwi do boṅga secʼko ạcurlente iń khon sạṅgińko senlen onko do akoakʼ kại reakʼ kuṛại asen baṛae hoyokʼtakoa.

Hosea 4:9

Hoṛko cetʼlekań sạjạiko onkage naekeko hõko sạjại ocokʼa; onkoakʼ colon iạte onko jotogeń sạjạikoa ar onkoakʼ kạmi lekate kuṛạiyiń emakoa.