Kạhtukko 11:26 - সান্তালী বাইবেল

²⁶ Okoe hoṛ phosole dohobaekakʼ uni doko sarapaea, menkhan okoe onae ạkhriń uni do bhoranicʼe hoyokʼa.

Kạhtukko 11:26 Referans Kwoze

Jobakʼ 29:13

Gujukʼ lạgidokʼkan hoṛ hõ ińko bhorạńkan tahẽkana; ar rạnḍi dukhikoakʼ mon doń rạskạ ocoyetʼtako tahẽkana.

Genesis 42:6

Joseph do Misor disạmren disạm cakʼlaoicʼe tahẽkana. Uni cetanrege disạmren sanam hoṛko ṭhen anaj ạkhriń reakʼ bhar do tahẽkana. Onate Josephren dadattetʼtako hõ uni ṭhen senkate otre ombakʼkateko ḍobokʼadea.

Kạhtukko 24:24

Bạṛicʼ hoṛ okoeye metae, “Am dom dhorom hoṛ kana,” Jạt jạtrenko do uniko sarapaea. ar disạm disạmrenko do uniko hirkhạwaea.

Genesis 47:14

Misor ar Kanan disạmren hoṛko do okaṭakʼ anajko kirińletʼ ona reakʼ dam babot Joseph do banar disạmre tinạkʼ ṭaka tahẽkan ona do raj oṛakʼteye aderkeda.

Kạhtukko 10:6

Dhoromicʼakʼ bohokʼre do bhor hijukʼa, menkhan bedhoromicʼakʼ mocare do jor julumge oko tahena.

Kạhtukko 28:27

Okoe hoṛ reṅgecʼ orecʼkoe danako uni do okulạnre bae paṛaokʼa, menkhan okoe onko ńelte mẽtʼe bedtae uni do ḍher sarape ńama.