Kạhtukko 11:23 - সান্তালী বাইবেল

²³ Dhoromko reakʼ monsubạ do bhạlạiye ạguiya, menkhan bedhoromicʼ do as bodolte eken Isorakʼ edrege pheḍ hecʼaea.

Kạhtukko 11:23 Referans Kwoze

Mathae 5:6

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

Sereńko 37:4

Probhu Isor iạte hulạsokʼme; amakʼ mon reakʼ sana do unigeye purạutama.

Jirimiạ 17:16

Amren hoṛ gupiko khon iń do bạń ńir pharak akana; am dom baḍaegea muhin do bạń khojkana. Ińakʼ moca khon oka oḍokokʼ ona do am ṭhen baṅ okoya.

Jesaea 26:9

Ińakʼ jiwi do ńindạ am lạgitʼe rakʼeda. ińren jiu do am lạgitʼe ahkaokʼ kana. Dhạrtire amakʼ hok bicạr hecʼlenre prithimiren hoṛ do dhorom reakʼ cecetʼakʼ ko ńama.

Kạhtukko 10:28

Isor botoraekoakʼ asre do rạskạ menakʼa, menkhan bedhoromkoakʼ as do michạgetakoa.

Sereńko 10:17

E Probhu Isor, am do mạ̃hirkoakʼ ontor reakʼ katham ańjomeda; ar amge dilem emakokana, ar onkoakʼ rakʼem ańjometʼtakoa.

Ibriko 10:27

bickom eken bicạr reakʼ botoranakʼ ghuṛi ar Isorren bạiriko lo torocʼko leka jolokʼkan edrege ńelhor akae tahen hoyokʼa.

Kạhtukko 11:7

Bedhorom hoṛe gocʼlen khan uniyakʼ ashõ nosṭokʼtaea; Ar uniyakʼ daṛe iạte okakoe asakan tahẽkan ona do nasaokʼtaea.

Sereńko 119:10

Ińakʼ goṭa ontorte iń do am baḍaeme lạgitʼ iń ahkaokʼ kana; amakʼ hukum bahre do alom dãṛã ocoyińạ.

Sereńko 119:5

Ohae! Amakʼ ạn leka calakʼ lạgitʼ ińakʼ monre diṛho akae jemoniń tahen.

Sereńko 27:4

Probhu Isor ṭhen mitʼṭecʼ iń nehõrokʼ kana; ar okaṭakʼ iń khojokʼ kan ona do niạge ińakʼ goṭa jionre jemon Probhu Isorakʼ oṛakʼreń tahẽdaṛeakʼ, ar uniyakʼ ṭhonokiń ńel daṛeakʼte ona mundilre uni reaṅiń dhen daṛeakʼ;

Kạhtukko 11:24

Okoe lahe caheye danetʼkan uni do arhõ bạ̃ṛti hoyokʼtaea; arhõ menakʼkoa okoe do hok reakʼ khon ḍherko dohoyetʼre hõ reṅgecʼreko paṛaokʼ kana.

Kạhtukko 12:5

Isor botorae hoṛkoakʼ hudisko do bhageakʼkote perecʼgea, menkhan bedhoromkoakʼ solhare do phạsiạratetʼ menakʼa.

Kạhtukko 13:2

Manwa do acʼakʼ kathatege bhạlạiye lab daṛeakʼa; ar bepạtiạu hoṛko do santaoko gagocakʼa.