Kạhtukko 11:11 - সান্তালী বাইবেল

¹¹ Dhorom hoṛko Isorakʼ bhorko ńamle khan nagraha do maraṅokʼa, menkhan bedhoromkoakʼ moca hotete nagraha do bạṛijokʼa.

Kạhtukko 11:11 Referans Kwoze

Kạhtukko 14:34

Dhorom do jạtrenkoe maraṅkoa menkhan kại do jạtrenkoe bemanotkoa.

Kạhtukko 29:8

Ṭiṭkạrikan hoṛko do nagrahare gulmalko janam ocoya, menkhan ạkilan hoṛ do manwawakʼ edreko khentoya.

Jakob 3:6

Onkage alaṅ hõ ṭhik seṅgel leka. Aboakʼ hoṛmore tinạkʼ hạṭińko menakʼ ona modre alaṅ do mitʼṭecʼ bedhorom dhạrti lekana. Norok seṅgelre lokʼte ona do goṭa hoṛmoe nosṭoyeda ar jion reakʼ horre seṅgele salgaoeda.

Sosolhayic̕ 9:15

Ona nagrahare do mitʼṭen ạkilan reṅgecʼ hoṛe tahẽkana. Uni do acʼakʼ ạkilte nagrahae rukhiyạkeda, menkhan uni reṅgecʼ hoṛ do celege bako disạ doholedea.

Jobakʼ 22:30

Ona chaḍa uni do eṭakʼ dusi hoṛko hõe bańcaokoa; ar amakʼ ti saphage iạte onko do bańcaoko ńama.”

2 Samuel 20:1

Benjamin-gusṭiren Bikri hopon Seba ńutuman mitʼṭen haḍrap hoṛ do unre onḍeye tahẽkana. Uni do sakwa oroṅketʼteye menkeda, “Dạud cetanre aleakʼ do jãhãn dạbiteakʼ bạnukʼtalea, Jisạiren hopon cetanre jãhãn ạidạri hõ bạnukʼtalea. E Israelko, ape do apan ạpin oṛakʼte ruạṛ joṅpe.”

Genesis 45:8

Ape do bape kolakadińạ, menkhan Isorgeye kol akadińạ. Uni do pharaoren apatakʼ ṭhạ̃ireye dohoakadińạ ar acʼakʼ gharońj cetanre mạlike dohoakadińạ. Ona chaḍa uni do goṭa Misor disạm cetanre cakʼlaoicʼ menteye dohoakadińạ.

Kạhtukko 11:10

Isor botoraekoakʼ bhạlại hoylen khan nagraha rạskạkʼa, ar bedhoromkoko ḍahao maraolenre hoṛko do rạskạteko andoṛa.

Kạhtukko 11:12

Okoe acʼ aḍepaseren hoṛkoe nindạuko uni do ạkil reakʼ okulạn menakʼtaea, menkhan okoeyakʼ buj menakʼ uni do acʼakʼ alaṅe sambṛaoeda.

Kạhtukko 28:2

Disạmren hoṛkoakʼ ghạṭ iạte onaren aema cạlạuakoko hoyokʼa, menkhan ạkilan ar budan cạlạuako hotetege disạm reakʼ kajaktetʼ do tahena.