Kạhtukko 11:10 - সান্তালী বাইবেল

¹⁰ Isor botoraekoakʼ bhạlại hoylen khan nagraha rạskạkʼa, ar bedhoromkoko ḍahao maraolenre hoṛko do rạskạteko andoṛa.

Kạhtukko 11:10 Referans Kwoze

Kạhtukko 28:12

Dhorom hoṛko ektiạriko ńamle khan sanam hoṛakʼ bhạlại hoyokʼa, menkhan bạṛicʼ hoṛkoakʼ tire ektiạri calaolen khan hoṛko bako ńamokʼa.

Bikʼcạrko 5:31

E Probhu Isor, amren bạiriko nonkageko marao cabakʼma; menkhan okoe amko dulạṛme Onko do siń cando leka daṛeanko hoyokʼma. Inạ tayom disạmre pongel bochor hạbicʼ suluk tahẽkana.

Kạhtukko 28:28

Bạṛicʼ hoṛkoakʼ tire ektiạri calaolen khan hoṛ doko okokʼa, menkhan onko bạṛicʼ hoṛko maraolen khan dhorom hoṛko ḍherokʼa.

Jobakʼ 27:23

Ona hoe do cigạriateye thayoya, ar onkoakʼ ṭhạ̃i khon sũ sũkateye laga oḍokkoa.

Exodus 15:21

Moseyakʼ sereń reakʼ roṛ ruạṛre Mạriạm do noa sereńe sereńkeda; “Ape do Probhu Isor ńutumte sereńpe, ente hoṛkoakʼ mẽtʼãhãre uniyakʼ ṭhonok do maraṅena. Sadomko ar aswariko do unige doreão dakʼreye khadleketʼkoa.”

2 Rapajko 11:20

Onate disạmren sanam hoṛko rạskạyena ar nagraha do suluk ruạṛena. Ar Athaliạ do raj oṛakʼreye gocʼ ocoyena.

Kạhtukko 11:11

Dhorom hoṛko Isorakʼ bhorko ńamle khan nagraha do maraṅokʼa, menkhan bedhoromkoakʼ moca hotete nagraha do bạṛijokʼa.

Kạhtukko 29:2

Dhoromkoko saṅgelen khan hoṛkoko rạskạkʼa, menkhan bedhoromko cakʼlaokoko hoylen khan hoṛko doko kũhrạukʼa.

2 Bõsbudạ 23:13

Uni doe ńelkeda, Probhu Isorakʼ oṛakʼte bolokʼ reakʼ horre raj do acʼakʼ khunṭi ṭhene teṅgo akana ar subedarko ar sakwa okʼroṅko do raj beṛhaeteko teṅgoakana. Ar disạmren sanam hoṛ doko rạskạkʼ kana ar sakwako oroṅeda ar sekʼreńko do bajnawateko sereńeda. Noa ńelte Athaliạ do acʼakʼ kicricʼe oṛecʼketʼte ãṭ aṛaṅteye menkeda, “Hul! hul!”

2 Bõsbudạ 23:21

Athaliyại gocʼ ocoyen khan nagraha do nijhumena ar disạmren sanam hoṛko rạskạyena.

Jirimiạ 51:48

Serma, ot ar onako tala reakʼ sanamakʼge Babel iạteko hulạs rạskạkʼa, ente makʼraoko do utạr secʼ khon hecʼkate unire jhãpko ema. Iń Probhu Isorge noa katha doń meneda.