Kạhtukko 10:6 - সান্তালী বাইবেল

⁶ Dhoromicʼakʼ bohokʼre do bhor hijukʼa, menkhan bedhoromicʼakʼ mocare do jor julumge oko tahena.

Kạhtukko 10:6 Referans Kwoze

Dosar Biboron 28:2

Ape do aperen Probhu Isorakʼ kathare batao akaepe tahen enḍekhan noako sanamakʼ bhorpe ńama ar ona do ape sãote hõ tahena.

Kạhtukko 28:20

Pạtiạran hoṛ do ḍher bhore ńama, menkhan okoe kisạ̃ṛokʼ lạgitʼe ahkaokʼkan uni do sạjạiye ńama.

Kạhtukko 24:25

Menkhan dusiko do okoe dusi menteko dusiyetʼko onko cetanre do bạ̃ṛti bhor paṛaokʼa, ar onko doko kusikʼa.

Kạhtukko 10:11

Dhorom hoṛakʼ moca do jion reakʼ jharna leka, menkhan bedhorom hoṛakʼ mocare do jor bojorge oko tahena.

Jobakʼ 29:13

Gujukʼ lạgidokʼkan hoṛ hõ ińko bhorạńkan tahẽkana; ar rạnḍi dukhikoakʼ mon doń rạskạ ocoyetʼtako tahẽkana.

Romiko lạgitʼ Pạul Apostolakʼ ciṭhi 3:19

Baḍaegea bon Moseyakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

Kạhtukko 11:26

Okoe hoṛ phosole dohobaekakʼ uni doko sarapaea, menkhan okoe onae ạkhriń uni do bhoranicʼe hoyokʼa.

Sereńko 107:42

Isor botoraekan hoṛ do ona ńelteko rạskạyena, menkhan behoketʼko do mocae tubetʼketʼtakoa.

Ester 7:8

Raj doṅgol reakʼ bagwan khon raj do bhoj oṛakʼteye ruạṛ hecʼena ar unre Ester oka duṛupʼakʼre ṭenḍarkateye duṛupʼ akan tahẽkan onare Haman doe ombakʼ akan tahẽkana. Unre raj do ãṭ aṛaṅteye menkeda, “Nui do cetʼ iń samaṅrege ińren rạniye jormoṭea?” Rajakʼ moca khon niạ katha oḍokokʼ são sãote hoṛko do Hamanakʼ mẽtʼãhãko betʼketʼtaea.

Kạhtukko 10:5

Ạkilan hopon do aghãṛre phosole samṭaoa, menkhan lajao ocokʼ hopon do irokʼ jokhecʼe jạpitʼkakʼa.

Obodiạ 1:10

Amren boeha Jakob upạrte santao lạgitʼ am do lajaotem dapalokʼa; am do jaejug lạgitʼem marao utạrokʼa.

Kạhtukko 3:33

Bạṛicʼ hoṛkoakʼ oṛakʼre Probhu Isorakʼ sarap tahena, menkhan Isor botoraekoakʼ oṛakʼ doe bhor atakoa.

Jesaea 3:10

Dhorom hoṛko metakope, bhạlại hoyokʼtakoa, ente onko do akoakʼ kạmi reakʼ kuṛạiko ńama.