Kạhtukko 1:24 - সান্তালী বাইবেল

²⁴ Apeń hohowatʼpere ape do bape hetawatʼtińạ, ar tiyiń ạwilletʼre okoe hõ bape moneyada.

Kạhtukko 1:24 Referans Kwoze

Romiko lạgitʼ Pạul Apostolakʼ ciṭhi 10:21

Menkhan Israelko reaṅ doe meneda, “Bebatao ar ṭenḍosokʼ hoṛko secʼ ińakʼ ti do goṭa dingeń tiyạr akada.”

Jesaea 65:12

apeakʼ likhạ do tarwaṛegeń hoeocoya, ar ape sanamkoge gur ocokʼ lạgitʼ hoṭokʼpe lahaetapea. Ente, iń do apeń hohowatʼpe tahẽkana menkhan bape goṅledińa, ińiń roṛleda menkhan bape ańjomletʼtińạ. Ińakʼ mẽtʼre ape do bạṛicʼakʼpe kạmi akada ar iń edre ocoyiń lạgitʼ onape bachao akawana.”

Jirimiạ 7:13

Ape do noakope kại akada, metakʼme bar bar metatʼpere hõ ape ańjomletʼtińạ ar hohoatʼpere hõ bape goṅledińa.

Jesaea 66:4

Onate iń do onko cetanre sạjạiyiń ạguiya ar onko okaṭakʼko botorakʼ onage onko cetanreń paṛao ocoya, ente ińiń hoholetʼre okoege bako goṅledeńa, ar kathań roṛletʼre hõ okoege bako ańjomletʼtińạ. Onko do ińakʼ mẽtʼre oka bạṛicʼakʼkan onageko kạmikana, ar okaṭakʼteń edrekʼ onageko bachao joṅkana.”

Jeheskel 8:18

Onatege iń do edre seṅgelte onko sãoteń beohara; ar mãyãte do bạń beṅgetʼakoa ar aṛakʼ hõ bạń aṛakʼkoa. Ar ińakʼ lutur ṭhen ãṭ aṛaṅteko ragrehõ bạń ańjomtakoa.”

Jesaea 50:2

Ińiń hecʼlenre onḍe do cedakʼ okoege bako tahẽkana? Ińiń hoholetʼre goṅeń lạgitʼ do cedakʼ bako tahẽkana. Ape chaḍaope lạgitʼ ińakʼ ti do cetʼ ḍher khaṭogetińa? Ape bańcaope lạgitʼ cetʼ daṛe hõ komaogetińa? Ńelpe dhomoktege jalapuriń ańjetʼ ocoyeda ar gaḍakoń khaṅkhor ocoyeda; onaren hakoko do dakʼ begorteko seakʼ kana ar tetaṅteko gujukʼ kana.

Sereńko 31:20

Onko do amakʼ mẽtʼãhã danaṅre dohokom manwakoakʼ soṛojontro khon hõ danaṅ kom; jhogṛa reakʼ reṭe peṭeko khon amakʼ hirlạrege begar dohokom.

Aposkạmi 4:30

Amakʼ ti tiyạrtam jemon amren sonot guti Jisu ńutumte onko do hoṛkoko boge daṛeako ar hahaṛa kạmi ar cinhạkoko udukʼ daṛeakʼ.”

1 Samuel 28:6

Ar cetʼe cekaea mente Probhu Isor ṭhene kuliyana, menkhan Probhu Isor do kukmũte hõ baṅ, Urim ar Thumimte hõ baṅ se nạbiko hotete hõ bae roṛ ruạṛadea.

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

Kạhtukko 29:1

Jaoge nisṛạu reakʼ katha ańjomkate hõ okoe hoṛ hoṭokʼ keṭecʼgeye dohokatae uni do ackageye jarkharokʼa; ar bae teṅgo ṭarhao daṛeakʼa.

Jesaea 65:2

Keṭecʼ hoṭokʼan hoṛko secʼ siń sạṭupʼ ińakʼ tiyiń tiyạr akatʼtińạ. Onko do apnarakʼ bundisko pańjayetʼte bạṛicʼ horteko calakʼkana.

Jirimiạ 9:6

Am do eṛeyakʼ talarem girobasokʼ kana! Amren hoṛko do eṛeyakʼteko perecʼgea; ar iń ṭhen do bako jimạkʼ kana.”

Jirimiạ 35:17

“Ona iạte iń Israelren phạdkoren Probhu Isoriń meneda, ‘ańjompe, Jihudạ ar Israelreko girobasokʼ kan mimitʼko upạrte oka muhin reakʼ kathań men akatʼ ona reakʼ jotowakʼ do onko cetanreń paṛao ocoya. Iń do onkoń metatʼko tahẽkana, menkhan bako ańjomletʼtińạ; hohowatʼko tahẽkạnạń, menkhan bako goṅledeńa.’ ”

Jirimiạ 44:16

“Probhu Isor ńutumte okako katham lạiyale kan ona do bale ańjomtama.

Sakariạ 7:13

Ińiń hohowatʼkore hõ onko do bako hetawatʼtińạ, ar onkoko hohowạdińre iń phạdkoren Probhu Isor do bạń ańjomletʼtakoa.

2 Bõsbudạ 33:10

Probhu Isor do Manase ar uniren hoṛko ṭhen kathae roṛetʼ tahẽkangea menkhan onko do ona bako luturatʼtaea.

Jobakʼ 33:14

Isor do ạḍi lekate kathae roṛetʼkana enhõ manwa do ona bako bujhạu daṛeakʼkana.