Kạhtukko 1:22 - সান্তালী বাইবেল

²² “E lelha hoṛko, ape do ar tinạkʼ din apeakʼ lelhatetʼpe dulạṛa? landa dhudhutʼko do ar tinạkʼ din onare rạskạko ńama? Ar bebujko hõ ar tinạkʼ din ạkilko kurudakʼa?

Kạhtukko 1:22 Referans Kwoze

Kạhtukko 5:12

Amem mena, “Hae! Iń do ḍanṭaoiń kurud akada, ar ińakʼ ontor do sudhrạukʼ reakʼ kathae nihạ̃t akada.

Kạhtukko 1:29

Onko do ạkilko kurud akawada ar Probhu Isor botorae hõ bako khojleda.

Sereńko 1:1

Bhạgangeae uni hoṛ do, okoe do bedhoromkoakʼ sopolha bae senakʼkan, ar kại hoṛkoakʼ horre bae tahenkan, ar ṭiṭkạri nisṛạukoakʼ duṛupʼakʼre hõ bae duṛupʼkan;

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.

2 Patras 3:3

Pạhilre noa katha disạ dohokakʼpe, bhageakʼko reaṅ okoe do nisṛạu reakʼ sobhabtako onko do sesa sisi dinrehõko nisṛạugea. Onko do akoakʼ bạṛicʼ kusi sana lekako colona,

Johan 3:20

Okoe bạṛicʼakʼe kạmikan uni do marsale hirkhạwakʼ kana. Ar bạṛicʼ kạmiko sodorokʼtae iạte marsal ṭhen do bae hijukʼkana.

Luk 19:42

Uniye menkeda, “Hae, am do suluk ńam lạgitʼ oka jạruṛ ona baṛe teheńem baḍae daṛele khan! Menkhan ńitokʼ ona do amakʼ mẽtʼãhã khon danaṅ akana.

Mathae 9:13

Iń do mãyãgeń kusiyakʼ kana, dãṛẽ do baṅ, sonot sostorre noa katha reakʼ mane cetʼkana mente ona baṛe ḍunḍhạukate ńelpe. Ente dhorom hoṛ hohoako lạgitʼ do baṅ, menkhan kại hoṛko lạgitʼgeń hecʼakana.”

Kạhtukko 21:11

Landa dhutʼicʼ sạjại lekhan lelhayicʼ do ạkile hameṭ joṅa; ạkilan hoṛ solha emae khan uni do bude hameṭjoṅa.

Mathae 23:37

“E Jerusalem! E Jerusalem! Am do nạbikom khũnetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko acʼakʼ phạ̃kṛạ̃kʼ latarreye guṅgutʼko onkage iń hõ amren hoṛko hạr samṭaokoń menleda, menkhan onko do bako rebenlena.

Mathae 17:17

Jisui roṛ ruạṛkeda, “E bepạtiạu ar peṛta piṛhirenko! Ar tinạkʼ din ape sãoreń tahena? Ar tinạkʼ diniń sahaokatapea? Dini iń ṭhen ạguiyepe.”

Kạhtukko 19:29

Landa dhutʼetʼko lạgitʼ do sạjại tear dohoakana, ar khaṭo bujankoakʼ dea lạgitʼ do cạbukge.

Kạhtukko 15:12

Landa dhutʼetʼicʼ do nisṛạu katha bae kusiyakʼa; uni do ạkilanko ṭhen bae calakʼa.

Kạhtukko 14:6

Landa dhutʼicʼ hoṛ do sendrate ạkil bae ńama, menkhan bud menakʼtae hoṛ do usạrage ạkile hameṭ joṅa.

Kạhtukko 8:5

Lelha hoṛ do, budan hoyokʼ lạgitʼ ạkilko hameṭ joṅa; ar khaṭo bujan hoṛ hõ ạkilko hameṭ joṅa.

Kạhtukko 7:7

Khaṭo bhudanko mod khoniń ńelkedea, juạnko modre mitʼṭen juạniń tạnkhikedea okoeyakʼ do khaṭo bud tahẽkantae.

Kạhtukko 6:9

E asketicʼ, ar tin hạbicʼem giticʼkokʼa? Tinre jạpitʼ khon dom beretʼa?

Kạhtukko 3:34

Ṭiṭkạrikan hoṛko doe ṭiṭkạriakoa, menkhan nindhạnko doe dayawakoa.

Kạhtukko 1:7

Probhu Isor botorae do ạkil reakʼ etohopʼ kana, menkhan lelha hoṛ do ạkil ar sikhạunako nihạ̃tetʼ kana.

Kạhtukko 1:4

jemon lelha hoṛ do budanko hoyokʼ ar juạnko do bud ar ạkilko ńam,

Sereńko 94:8

Orlo hoṛko, ape do luturakʼpe; E bebujko, ape do tispe ạkilokʼa?

Jobakʼ 34:7

Job leka cetʼ jãhãe menaea okoe do dakʼ ńu bikʼ leka ṭiṭkạriye ńamakatʼ?

Numeri 14:27

“Noko bạṛicʼ jạtrenko do ar tinạkʼ din iń upạrteko karacʼ kurujokʼa? Iń do onkoakʼ karacʼ kurujokʼ iń ańjomakada.”

Exodus 16:28

Unre Probhu Isor do Moseye metadea, “Ar tinạkʼ din ape do ińakʼ hukum ar ińakʼ solhako bape manaoa?

Exodus 10:3

Mose ar Aron do unre Pharao ṭhen senkatekin menkeda, “Ibrikoren Probhu Isore meneda, ‘ar tinạkʼ din iń samaṅre bohokʼ bam kuḍburtama? Iń sewawạń lạgitʼ ińren hoṛko sen ocoakome.

Kạhtukko 1:21

Uni do ãṭ aṛaṅte rão rão kulhikore dobạṭiạkoreye hohoyeda, ar nagraha reakʼ phaṭok duạrte bolokʼ jokhecʼe meneda,

Kạhtukko 1:32

Lelha hoṛ do muhinteko calakʼge onkoakʼ gujukʼ reakʼ karon do hoyokʼa, bebujko do akoakʼ nicindokʼgeye ḍahao maraokoa;

Kạhtukko 21:24

Bạḍại ar dhomokkan hoṛakʼ ńutum do, “Landa dhutʼicʼ;” uni do bạ̃ṛti gorbokʼ tulucʼe kạmiya.

Kạhtukko 22:3

Budan hoṛko do muhinko ńel darama arko okokʼa, menkhan lelha hoṛ do muhin ńelkate hõ calakʼtegeko tahena ar ona iạte sạjạiko ńama.

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Jirimiạ 13:27

Iń do amakʼ laṭghaṭ, hinhạukʼ ar nilạjiạ loṭghuṭgeń ńelakada; ṭạnḍi ar buru boṭkocʼre amakʼ hirkhạwakʼ kạmiko hõń ńelakada. Amre do hae hae E Jerusalem! Ar tinạkʼ din besapha akan dom tahena?”