Josuạ 8:6 - সান্তালী বাইবেল

⁶ Ar onko do aleko laga idilea, arko mena, ‘lahate leka abo samaṅ khonko ńir pharakokʼkana.’ Nonkate ale do nagraha khon sạṅgińtele idikoa. Ar tinre onko khonle ńir pharakokʼa,

Josuạ 8:6 Referans Kwoze

Sosolhayic̕ 9:12

Okoe hõ bae baḍaea tinreye gujukʼa mente. Cetʼleka hako do jhạlireko aṭkaokʼ ar cẽṛẽ do jhampare onkage muhin do manwa cetanre ackage hijukʼa ar muhinreye paṛaoakʼ.

Sosolhayic̕ 8:11

Dusṭạmi kạmi reakʼ sạjại usạrate baṅ emawako khan hoṛkoakʼ mon do bạṛicʼakʼ kạmi lạgitʼ artetʼ tearokʼtakoa.

Bikʼcạrko 20:32

Onate Benjaminrenko menkeda, “Lahate lekage bon bhagaoetʼkoa.” Ar Israelkoko menkeda, “Dela bon pạcokʼma, enḍekhan nagraha bahreko oḍok hijukʼte horte bon idikoa.”

Exodus 15:9

“Bạiri doe menkeda, ‘onkoń khudạukoa, ariń sapʼkoa, ar onkoakʼ jiniskoń hạṭińjoṅa; iń do onkoakʼ jiniskote apnar iń perejokʼa. Ar tarwaṛe sapʼkate onkoń khudạukoa.’

Exodus 14:3

Noa ńelte Pharao doe hudisa Israelko do bako ṭhik daṛeakʼkana cetʼko cekaea mente onko do disạmrege ạcur baṛaete hahaṅkarregeko aṭkao akana.

Josuạ 8:5

Iń do ińren sãoten hoṛkoante nagraha secʼ iń laha idikʼa. Ar lahate leka onko do tinre abo sãote lạṛhại lạgitʼko oḍok hijukʼa unre ale do onko samaṅ khonle dạṛ pharakokʼa.

Josuạ 8:7

unre ape do ona oko akan jaega khon oḍok hecʼkate nagrahape dokhola. Aperen Probhu Isorge ona do ape tireye jimạya.