Josuạ 8:30 - সান্তালী বাইবেল

^30-31 Inạ tayom Israelko ṭhen emakʼ Probhu Isorren guti Moseyakʼ hukum leka Josuạ do Ebal buru cetanre Israelko lạgitʼ Probhu Isor ńutumte mitʼṭecʼ pinḍe tearkeda. Moseyakʼ ạn-ạri reakʼ puthire cetʼleka ol menakʼ onkage uni doe benao ocokeda. Pinḍ benaore jãhãn pahṭa dhirite do baṅ ar onare mẽṛhẽtʼ reakʼ jãhãn jontropati hõ baṅ beoharlena. Ona pinḍ cetanre Israelko do Probhu Isor ńutumte jeredokʼ ar suluk samaṅokʼakʼko samaṅkeda.

Josuạ 8:30 Referans Kwoze

Exodus 20:24

Ape do iń lạgitʼ hasa reakʼ mitʼṭecʼ pinḍ benaope, ar ona cetanre jeredokʼ samaṅokʼakʼ dãṛẽ ar sulukren samaṅokʼakʼ ḍaṅgra, merom ar bheḍa samaṅkope. Ar okako ṭhạ̃ire ińakʼ ńutum disại lạgitʼ iń bondobos ona jaegare hecʼkate apeń bhorapea.

Genesis 8:20

Ona tayom Noha do Probhu Isor ńutumte mitʼṭecʼ pinḍe benaokeda ar mimitʼ jạtren sapha janwarko ar cẽṛẽko khon hataokate pinḍ cetanreye dãṛẽketʼkoa.

Dosar Biboron 27:2

Jordan gaḍa paromkate aperen Probhu Isore emakawatʼpe disạmte bolokate lạṭu lạṭu dhiripe cake rakaba ar cuntepe potaokakʼa,