Josuạ 8:20 - সান্তালী বাইবেল

²⁰ Aeren hoṛko do tayom secʼko beṅgetʼ ruạṛketʼ khan akoakʼ nagraha khon coṭte dhũạ rakabokʼko ńelkeda; menkhan oka secʼge onko do bako dạṛ daṛeada, ente okoe Israelko hahaṅkar secʼko dạṛetʼkan tahẽkan onko do inạkʼtege onko upạrte jhãpko emkeda.

Josuạ 8:20 Referans Kwoze

Johan sodor 19:3

Onko do dosar dhaoko menkeda, “Halleluyah! Ar uni khon dhũạ do jaejug hạbicʼ oḍokokʼtege tahena.”

Johan sodor 18:9

Ar dhạrtiren okoeko raj uni tulucʼko loṭghuṭi akatʼ arko umtạ umtilen onko do uni atare jokhecʼ dhũạ ńelteko raga ar uni lạgitʼko dukokʼa.

Jesaea 34:10

Siń ar ńindạ tishõ ona do baṅ ĩṛĩjokʼa; jaejug ona reakʼ dhũạ do coṭte rakabokʼa. Piṛhike piṛhi ona do khạli akaege tahena; ona talate tishõ okoege bako senokʼa.

Sereńko 76:5

Jhũk monanko doko siboṛ ocoyena, onko doko jạpitʼ hapekeda; ar joto daṛean hoṛ do ti jaṅga lạbṛukʼen takoa.

Jobakʼ 11:20

Menkhan bedhoromkoakʼ mẽtʼ do ạndhạukʼtakoa onko do cetʼ asrayge bako ńama; mucạtʼ sãhetʼge hoyokʼa onkoakʼ as do.

Genesis 19:28

Uni do Sodom, Gomora ar bilạn ṭạnḍi secʼe beṅgetʼketʼ khan maraṅ okocʼ culhạre cetʼleka dhũạ rakabokʼ onkageye ńelkeda.

Josuạ 8:19

ar são sãote oko akan tahẽkan lạṛhại phạdko do akoakʼ jaega khon beretʼente nagraha secʼko dạṛ idikeda. Ar onḍe bolokateko dokholkeda ar thoṛa okterege nagrahare seṅgelko jeretʼada.

Josuạ 8:21

Josuạ ar sanam Israelko do tinreko ńelkeda, akoren oko akan lạṛhại phạdko do nagrahako dokholkeda ar nagraha khon dhũạ rakabokʼ kana unre onko hõ Ae nagraharen hoṛko cetanre jhãpko emkeda.

Bikʼcạrko 20:38

Onkoko tãṛãkʼ akan tahẽkan lạṛhại phạdko sãote Israelkoren eṭakʼ lạṛhại phạdko do niạ cinhạko ṭhik dohoakatʼ tahẽkana, nagraha khon cetante dhũạ rakabokʼko ńel lekhan jemonko ạcur ruạṛokʼa.

Bikʼcạrko 20:40

Menkhan onkoakʼ nagraha khon tinre khunṭi leka dhũạ do coṭte rakabokʼ ehopʼena unre onko do ạcurkateko ńelkeda, goṭa nagraha khon dhũạ do coṭte rakabokʼ kana.

Bikʼcạrko 20:41

Ar unre Israelko doko ạcur ruạṛena ar ona iạte Benjaminrenko do ạḍi botor caṛhaoatʼkoa. Onkoko bujhạu daṛekeda, ako cetanre maraokʼ do seṭerena mente.