Josuạ 7:21 - সান্তালী বাইবেল

²¹ iń do luṭ reakʼ jinisko khon Sinạr disạm reakʼ mońjakʼ mitʼṭecʼ kicricʼ, bar keji tala rupạ ar turui sae gram ojon reakʼ mitʼṭecʼ sona ḍhimbạ reakʼ laloc bạń sambṛao daṛeakʼte onań ạgu akada. Onako do ińakʼ tạmbure ot latarreń topa oko akada ar ona latarre do rupạ menakʼa.”

Josuạ 7:21 Referans Kwoze

Jakob 1:15

Ona tayom bạṛicʼ sana purạulen khan kạiye janama, ar kại perecʼlen khan gujukʼe janam ocoya.

Luk 12:15

Ona tayom Jisu do gadel hoṛkoe metatʼkoa, “Men cehaokʼpe! Ar sanam lekan lob-laloc khon sontor akae tahenpe, ente manwakoakʼ jionre ḍher sompotti tahen do sanam khon jạruṛteakʼ do baṅkana.”

Sereńko 119:37

Eṛeakʼ jinis secʼ khon ińakʼ mẽtʼ do ạcur ruạṛtiń me; ar amakʼ horte calakʼ lạgitʼ nãwã daṛe baṛe danạńme.

2 Patras 2:15

Onko do Beor hopon Biliamakʼ hor secʼko mohnḍa akana. Biliam do bạṛicʼ kạmi reakʼ kuṛại ńam lạgitʼe menleda,

Dosar Biboron 7:25

Onkoren boṅga muṭhạnko do seṅgelrepe khadle giḍikakʼa. Ar onkoakʼ hoṛmo reakʼ sona, rupạ do alope lalocakʼa. Ar ape lạgitʼ hõ alope hataoa, ente onape onkae khan onakoge apeakʼ jhampa leka hoyokʼa. Ar aperen Isor ṭhen hõ ona do hirkhạwanakʼ jinis kana.

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alae mea ar tishõ bạń bạgi giḍimea.”

Kạhtukko 28:22

Lalocan hoṛ do kisạ̃ṛokʼ lạgitʼe dhãoṛa dhạ̃uṛi baṛaea, menkhan uni do bae baḍaea okulạn do uniye tạṅgi akadeya mente.

2 Samuel 11:2

Mitʼdin maraṅ dakʼ lo ber Dạud do acʼakʼ aṭetʼ khon beretʼkate raj oṛakʼ reakʼ chatreye dãṛã baṛaekan tahẽkana. Unre uni do chat cetan khon mitʼṭen maejiu ḍạbrạkʼ kane ńelkedea. Maejiu do ńelokʼte ạḍi napaeye tahẽkana.

Genesis 3:6

Maejiu do ona dare reakʼ jo mońj ar sebelgeye ńelkeda, ona chaḍa ạkil ńam lạgitʼ laloc hõ hecʼadea, onate uni do dare reakʼ joe gotʼkeda are jomkeda. Ar acʼren jãwãe hõe emadea ar uni hõe jomkeda.

Kolossiko lạgitʼ Pạul Apostolakʼ ciṭhi 3:5

Onate apeakʼ jel reakʼ sana oka menakʼ ona marao giḍikakʼpe. Ente onare joto lekan loṭghuṭi, bin napaeakʼ, bạṛicʼ sana, laloc ar dhon lalocko menakʼa, one oka do boṅga sewawakʼ lekakan.

Ephesiko lạgitʼ Pạul Apostolakʼ ciṭhi 5:5

Khạṭigepe baḍaea, okoeko laṭghaṭetʼkan, okoeko bin napaege ar okoekoko lalociạkokan, metakʼme okoe do boṅga sewakoko ńumogokʼkan onko do Mạsi ar Isorakʼ rajre jãhãn ạidạrige bạnukʼtakoa.

Ephesiko lạgitʼ Pạul Apostolakʼ ciṭhi 5:3

Sanam lekan loṭghuṭi, bin napaeakʼ se laloc reakʼ kathako ape talare jemon alo ańjomokʼ, ente noako katha Isorren hoṛkoakʼ do baṅ sajaokʼa.

Luk 12:2

Oko reakʼ sanamakʼ do sodorokʼa ar danaṅre menakʼ jotowakʼ do baḍaeyokʼa.

Habakkuk 2:9

“Jạt jạtrenkoko mena, ‘Hae, uni do, okoe do behok reakʼ labte acʼakʼ tahen oṛakʼe benaoetʼkan jemon khạtirjomae tahẽdaṛeakʼte muhin reakʼ ti khon rukhiyại ńam.’

Jesaea 29:15

Hae onko hoṛ do, okoe do akoakʼ goṭawakʼko Probhu Isor ṭhen okoe reakʼko kurumuṭukan. Onko do ńutreko kạmiya arko hudisa, “Okoe baṅ abo doe ńeletʼ bon? Ar cele baṅe baḍayetʼbon?”

Jesaea 28:15

Ape do bạḍạitepe meneda, “Ale do moron ar Sheol sãote mitʼṭecʼ bondobosle bandhao akada. Maraokʼ reakʼ cạbuk pheḍ hecʼlenre hõ ale do bae tiyokʼlea, ente eṛeteakʼ do aleakʼ hirlạ ar phikir do aleakʼ asraygele benao akawana.”

Kạhtukko 23:31

Bubulakʼ arakʼge ńelokʼkanre hõ alom beṅgetʼakʼa, ar bạṭire jiṛipʼ jiṛibokʼre hõ, ar hodoṛ mente nạnḍrire bolokʼre hõ.

Kạhtukko 4:23

Jotowakʼ khon amakʼ ontorge pahra dohoyme, ente ontor khonge amakʼ jion reakʼ jotowakʼ do oḍokʼ hijukʼa.

Jobakʼ 31:1

“Bạṛicʼ monte jãhãe kũạri kuṛi secʼ bạń beṅged iạte iń do ińakʼ mẽtʼ sãote mitʼṭecʼ bondobos iń dohokeda.

Exodus 20:17

“Eṭakʼ hoṛakʼ oṛakʼ duạr, se bạhutae, se gutitae se kạ̃ṛmĩtae, se ḍaṅgratae se gadhatae ar jãhãnakʼ cetʼge alom lalocakʼa.”

Genesis 10:10

Uni do Sinạr disạm reakʼ Babel, Erek, Akad ar Kalnere rajosṭiye calaoetʼ tahẽkana.

Josuạ 7:20

Akhane roṛ ruạṛkeda, “Noa katha do sạri kana, Israelkoren Probhu Isor upạrteń kại akada. Ar okań kạmi akatʼ ona do noa kana,

Josuạ 7:22

Niạ katha ańjomkate Josuạ do hoṛe kolkatʼkoa. Onko do ńir senkate ona tạmbure bolokateko ńelkeda onḍe thoṛa jinis do topa oko menakʼa, ar onako reakʼ latar utạrre do rupạ menakʼa.

2 Rapajko 7:8

Onko murhucʼ jom rugiko do ḍera ṭhen seṭerkate mitʼṭecʼ tạmbu bhitriteko boloyena. Onko do jom ńukate sona, rupạ, ar kicricʼko idiketʼte onakoko oko dohokada. Ona tayom ruạṛ hecʼkate ar mitʼṭecʼ tạmbuteko boloyena ar ona reakʼ jiniskoko idikeda arko oko dohokada.

Genesis 34:27

Ar Jakobren eṭakʼ hoponko do ona nagrahate bolokate okare akoren miserate nosṭo ocolen onḍe eken mạ̃ṛĩko ńelketʼ khan ona nagrahako luṭkeda.

Kạhtukko 1:19

Bạṛicʼ upạite jãhãnakʼ lab lạgitʼ okoeko dạdạrkan onko sanamkoakʼ dosa do onkage hoyokʼtakoa; ar okako lab onate onkoakʼ jion do nosṭokʼtakoa.